網民熱話 同事 朋友 辦公室 職場生存 返工 工作

同事幾熟都好 千祈唔好放私人感情 網民:邊個先交心 邊個就輸了|網民熱話

社會熱話

廣告

同事網民熱話】有網民以「一個同事幾熟都好,千奇(祈)唔好放私人感情落去」為題開帖,大談職場生存之道,是要學會做個理性、沒有任何私人感情的工具。樓主的「職場生存之道」獲得不少網民支持,大部份網民都相信「職場冇朋友」,但亦有人指出,同事亦能做好朋友,但要視乎公司風氣、同事性格等的因素。

撰文:Smart ED編輯部|圖片:電視截圖、討論區截圖、unsplash|資料來源:討論區

就算幾熟 同事都可能出賣你?

樓主表示,「就算幾信一個同事,都可能會出賣你」,覺得「講是非」的同事最不能夠信任。樓主認為「返工分清楚,公還公,私還私,辭職就辭職,唔好係(喺)同事面對講老細壞話,食飯就講下廢話就算,關私人事就咪講。」

最後,樓主總結時指,「職場冇朋友」,認為在放工後仍有聯絡算是半個朋友,而收工後真心對你的才是朋友,更大談「職場生存之道」:「想職場生存得耐啲,就要學會做一個理性,冇任何私人感情嘅工具」。

職場之道 邊個先交心就輸了?

樓主指的「職場之道」,獲得很多網民支持。有人直言「返工邊個首先交心邊個就輸了」,亦有人覺得「真,你永遠唔知佢心入面諗乜」、「對住你梗係 hehehaha,背住你同人地講你 d 咩鬼知咩」。

有網民就認為,職場上難有「真.朋友」,因為「返工就係返工,同事唔會係朋友,君子之交淡如水」、「頂盡計同事做半個朋友,反正resign既(嘅)時候都係六親不認」。另有網民提到,與同事做朋友,最怕是不知何時對方會插自己一刀,例如是將自己說過的事,「是非當人情」再分享出去!

辭咗職先學識,原來日日放工一齊同你講老細壞話,仲要成日買嘢食同小禮物嘅姨姨,竟然係喺背後插你一刀嘅人

網民:唔好暴露自己弱點

有人覺得,「最重要都係唔好暴露自己弱點,俾人有把柄喺手」,至於其他的事,「行得正企得正唔怕俾人講」,而且「番(返)工為求財,唔需要討好所有人」。

雖然有不少網民相信「職場冇朋友」的說法,但亦有人反駁,指職場生存與同事做朋友兩件事是沒有衝突的!如果公司風氣很好,同事好人或是年齡相近,例如都是後生仔的話,大家相處到就沒有問題。

如果個工作環境個個都係初初出嚟做嘢嘅咪會有真心朋友囉,其餘真係少之又少