政府工 搵錯工 浪費 時間 網民熱話

38歲搵錯工浪費太多時間 「30歲都未上位就應揾政府工」|網民熱話

社會熱話

廣告

政府工網民熱話】到40歲都未搵到一份自己心儀而有人工理想嘅工,係咪就等如咁就一世,永無翻身之日?今次事主對自己前景感到迷惘,想尋求大家意見!

撰文:麗爾|圖片:電視截圖

樓主表示自己中七畢業後做咗16、17年嘢,開頭幾年為咗容易啲入,去啲細公司做,2006-2009年平均月入都無過萬(中間有6K起轉了3份去到10K), 到2009後轉咗去份輕鬆啲公司, 做人Assistant,12K起, 做咗10年多都無得上,人工到而家17K。樓主亦有補充,因為自己早年大洗,有輸好多股票($400K),依家儲蓄得幾萬。

不少人都表示,如果樓主覺得人工低咁就更加要努力儲多啲錢,放假都唔好出街,「最多出糧後食好少少!人工高大使的話未必夠你儲得多!」

亦提到樓主要認真檢討下,作出改善,上討論區呻無助解決困境,機會永遠都係自己爭取的。

「人比人比死人,最緊要適合自己。既然你之前揀左一份輕鬆啲嘅工作,咁人工唔高都正常。
人生自己係可以努力改變得到嘅,但當然遲起步就要比人努力至得。」

好多網民都鼓勵樓主,認為樓主有這個覺悟,真的未遲。最重要的是不要沾上賭搏惡習。什麼牛熊,波馬,要統統介掉。

第一時間先要進修

有網民提到如果唔想過多5年被辭退,乜都玩完,唯一嘅方法就係進修下,有心唔怕遲。

「38,比起37,36等等,當然算遲;但比起39,40以至65,還算早。
現在起步,還有2、3十年你做,又怎會是一世呢?
政府工,很多都無年紀歧視」

亦有網民建議樓主無論如何都要搵啲時間進修,起碼拎返個degree (假設樓主未有)「而家開始繼續目前嘅工又好,搵新工又好,起碼要中層,仲要有機會升高層嘅。
呢個係for四十幾後嘅保障,到四張幾,任何情況你冇左份工(被裁、被炒、被人迫走),又再搵過工時,冇學歷冇管理經驗即死。」

應該去揾份政府工

網民提到38歲人工只有$17K,應考慮轉行,橫掂依家人工都唔係多兼冇前景。「依行你係underpaid.考慮轉行吧。」

「$17K真係比市價低好多,冇學位做左10幾年野都兩三皮以上,要轉下工先得。」

有人建議可以轉做地盤,儲多個錢,做保守投資算,唔爭炒股。

亦有人提到年到 30 歲都未上到位,根本就應該去揾份政府工

「單從樓主對話已知能力不高,所以搵得少也正常。可考慮公務員」

「除左D比較初级職位,其實公務員都好難考。唔係話出便撈唔掂你就隨時入職做公務員。」

「入去地盤做工人,收入高,不用受氣,唔係洗乜我要不理大碩士畢業去做地盤工人。」

「我識人40幾先進修去轉行,你未結婚無小朋友,已經比其他人容易,至少你想進修前唔洗諗家庭開支。
60歲都有人進修,你再坐係度怨天尤人唔行動,就真係咁就一世啦!」

地盤工易移民外國

有經驗者建議樓主去建造業議會,完成免費中級工藝課程,約4-6個月,就有中工資格,出來約3萬月薪,做4年肯學肯砌就可以考大工資格,人工6萬以上。

該人士指不止香港,全球建造業技術工人嚴重短缺,香港市場華人工人的年齡已經55歲以上,很多接近退休年齡,不介意傾囊相授華人,但近20年太少華人入行,已經開始被年輕的南亞人取代,再無華人入行,過多10年,南亞人的世界,香港華人無機會再入行。

「地盤大工資格,很容易移民外國,賺取高收入,我朋友中學畢業取得大工移民澳洲,做了10年已經賺了過千萬回流香港。
我自己,本身工程學位畢業,有多過工程專業資格,其他行頭部份資格也有,但已經好難搵食,考了大工資格,轉行工人,維持6萬收入以上。」