中美貿易戰下想穩陣投資  揀儲蓄計劃5大好處|經一專欄

中美貿易戰下想穩陣投資 揀儲蓄計劃5大好處|經一專欄

【儲蓄計劃 .經一專欄中美大戰一年多,股市上上落落, 利息又低水,美國都唔敢加息,再加人民幣被迫貶值,本來做緊人民幣定期既都想撤返香港,但香港既定期大部分都係1同2咁少,想做些穩陣嘅投資,究竟有咩好揀?保險公司既儲蓄計劃又好唔好?

撰文:屈智媚Amy Wat |圖片:unsplash、新傳媒資料室

其實好多朋友都有在保險公司做儲蓄計劃,數下好處:

儲蓄計劃好處(1) 唔停得

唔停得都係好處?係架,其實儲錢呢個項目儲2個月又停幾個月,身痕想去旅行又攞返啲出來用,絕對儲唔到大錢,這方法用來儲旅行基金就啱。要儲一舊有睇頭啲嘅錢,只有持續不斷咁儲,唔可以隨便攞出來,才會有效果。雖然唔停得好似有啲壓力,但你可以選擇儲蓄年期同金額,年期短至3-5年都有,最長重可以儲夠十幾廿年,其實時間真係一眨眼就過,尤想起小編入行開始儲15年既計劃,過多兩年就供完了(真係老得太快)!至於驚住有緊急事要用錢?儲錢計劃嘅金額絕對唔好儲太盡,月月都要留有靈活錢就無有怕!

儲蓄計劃 中美貿易戰 穩陣投資 經一專欄
【儲蓄計劃 .經一專欄】圖片:unsplash

儲蓄計劃好處(2) 回報穩定

香港的保險公司因為有法定資產限制,其投資的資產亦有限制,高風險的工具都少有涉及,所以其紅利回報都相對穩定。而且保監規定所有保險公司均需要為每一個紅利計劃提供紅利兌現率,大眾想知道保險公司的預期紅利係吹水定實際,睇返過往紀錄就心裡有數,所以比起股市上上落落,穩定度同透明度都相當高。雖然紅利有多有少,但一般計劃都會有保證成分並逐年遞增,而且通常保險公司點都有啲儲備可以在較差環境下派紅利,唔會好似股票/期指類,會蝕左本返唔到家鄉,甚至要補倉,所以投資風險可說是轉嫁去咗一間大型投資公司。

儲蓄計劃 中美貿易戰 穩陣投資 經一專欄
【儲蓄計劃 .經一專欄】圖片:unsplash

儲蓄計劃好處(3) 中長年期回報高

這類儲蓄計劃,一般回報都會比銀行定期高,但係滾存時間亦相對長一些,因為是用錢的時間值來換取更高回報。在保險公司放得越耐,回報就越高,複息雪球效應就越大,所以中長期約10-15年以上的總回報比較吸引。

儲蓄計劃 中美貿易戰 穩陣投資 經一專欄
【儲蓄計劃 .經一專欄】圖片:unsplash

儲蓄計劃好處(4) 錢少都可以參與

買股票,穩陣啲嘅藍籌,入場閒閒地都過萬蚊一手,想折開每個月供股的話,股票選擇又少,如果想少少地儲下錢,紅利計劃可多可少,有些一個月儲幾百蚊都得,總算比自己開始一個儲蓄習慣先!

儲蓄計劃 中美貿易戰 穩陣投資 經一專欄
【儲蓄計劃 .經一專欄】圖片:unsplash

儲蓄計劃好處(5) 唔會變遺產

唔變遺產即比唔到屋企人?唔係,而係可以唔駛用平安紙,亦唔駛經遺產條例,都可以按自己願意比晒預設受益人,呢個程序比起遺產要安排承繼快好多,只要受益人同自己有可保關係就得,包括所有直系親屬、未婚夫妻、兄弟姊妹等都可以成為受益人。

儲蓄計劃 中美貿易戰 穩陣投資 經一專欄
【儲蓄計劃 .經一專欄】圖片:unsplash

講左咁多,咁有咩唔好先?

儲蓄計劃最大唔好處,就係唔適合於短期想用錢嘅安排,如果係想儲筆錢三兩年後去買樓,呢類計劃短期無咁靈活,所以就未必啱你喇!其實講到尾,市場上不同類型計劃或投資工具,都沒有所謂的最好,只有係咪最適合你嘅儲蓄目標。

 

相關文章