診所職場事 【寶豬趣聞】忽高忽低 | 珍寶豬 | 經一專欄

診所職場事 【寶豬趣聞】忽高忽低 | 珍寶豬 | 經一專欄

診所職場事・ 經一專欄】電話響起~
我:「你好~乜乜診所」

對方電話背景聲音好嘈,佢:「喂?係咪乜乜診所呀?」

撰文:珍寶豬|圖片:電視截圖、unsplash

我:「係呀,你可唔可以去個靜啲嘅地方再打嚟呀?你嗰邊有啲嘈呀?」
佢:「我喺XXX(遊樂場名)呀!」
哦,玩得開心啲呀,我想收線。

診所職場事 寶豬趣聞 忽高忽低 珍寶豬 經一專欄
【診所職場事・ 經一專欄】圖片:電視截圖

我:「…請問有咩事呢小姐?」
佢:「唔好嗌我小姐,我做咗人老婆做咗人阿媽啦」
都係一個稱呼啫。

診所職場事 寶豬趣聞 忽高忽低 珍寶豬 經一專欄
【診所職場事・ 經一專欄】圖片:電視截圖

我:「請問有咩事呀?」
佢:「我個女爭少少高呀」
我:「喂?唔好意思,聽唔清呀,你可唔可以講多次呀?」
佢:「我個女呀!爭少少高呀!玩唔到啲機動遊戲呀!」
咁關我咩事呀?

診所職場事 寶豬趣聞 忽高忽低 珍寶豬 經一專欄
【診所職場事・ 經一專欄】圖片:電視截圖

我:「哦…咁呀,高度唔夠冇得玩㗎,安全嘛,等高啲先再玩啦」
佢:「我唔係打嚟聽你講廢話㗎,呢度啲職員咪又係講呢啲廢話!」
咁你有冇興趣聽啲新穎些少嘅說話?『衰婆,唔夠高就唔夠高㗎啦,你唔著緊你個女嘅安全,我都擔心你個女啦!玩玩吓跌咗落嚟你砌返好佢呀?你試吓唔好用安全帶玩過山車呀笨!』
我:「你呢啲事打俾我冇用㗎,我都唔可以即刻幫你個女增高㗎嘛」

診所職場事 寶豬趣聞 忽高忽低 珍寶豬 經一專欄
【診所職場事・ 經一專欄】圖片:電視截圖

佢:「你俾醫生同班廢嘅講啦,平時我個女夠高㗎,醫生都話我個女正常高度呀!今日縮咗少少咋嘛!」
冷縮熱漲啲friend嗎?唔好咁打橫嚟啦~再唔係你而家起火燒一燒熱佢,咪漲囉。
我:「機動遊戲定咗一個高度以上先俾玩,係因為要確保安全,唔係亂咁定出嚟㗎~唔夠高就係唔夠高,唔會突然之間唔夠高,就算真係,咁今日唔夠高都係唔俾玩㗎啦」
佢:「食屎呀你!」
嘟。佢cut咗我線~

診所職場事 寶豬趣聞 忽高忽低 珍寶豬 經一專欄
【診所職場事・ 經一專欄】圖片:電視截圖