診所職場事 【寶豬趣聞】關心你|雙糧|珍寶豬|經一專欄

診所職場事 【寶豬趣聞】關心你|雙糧|珍寶豬|經一專欄

診所職場事・ 經一專欄】有日一位姨姨拎完藥~佢望望我,之後問:「你喺診所返工好唔好做呀?」後來仲問堆做診所嘅醫療福利、花紅雙糧等等。

撰文:珍寶豬funnyclinic)|圖片:電視截圖、unsplash

姨姨勁關心做診所嘅我

我:「做咩咁問嘅」
佢:「我都有個女嘛」
我:「哦~你個女都想做診所呢行呀?」
佢:「做診所呢啲都好過做廢青呀」
…你係讚緊定彈緊呀?
我:「哦…」
佢:「你哋係咪會全家都睇醫生免費㗎?

診所職場事 寶豬趣聞 關心你 珍寶豬 經一專欄
【診所職場事】一位姨姨拎完藥,佢望望我,之後開始係咁問我關於診所做嘢嘅問題。圖片:電視截圖

花紅雙糧?員工購物優惠?

我:「冇呀,不過我唔知其他診所有冇咁嘅醫療福利,你可以去留意吓啲請人廣告嘅」
佢:「哎呀,我仲以為包全家生養死葬,原來而家冇呢支歌仔唱啦?
閣下肯定好想自己冚家…啦。
我:「…」
佢:「咁係咪員工購物優惠呀?人工有幾多呀?放假放幾多日呀?都係唔好問放假,放得假多人就懶。有冇花紅雙糧呀?」

診所職場事 寶豬趣聞 關心你 珍寶豬 經一專欄
【診所職場事】姨姨係咁問診所嘅醫療福利同員工購物優惠。圖片:電視截圖

嚟診所睇醫生定見工?

你究竟係嚟診所係睇醫生定嚟見工呀?
我:「阿姨,我哋呢度而家唔請人呀,如果請嘅話,我哋會貼紙出去,你經過開可以望望我哋有冇請人,到請嗰時先問都未遲呀」
佢:「你而家逗緊幾錢人工呀?你有冇花紅雙糧㗎?」
我笑笑:「呢啲嘢唔好講唔好提啦」
佢一臉嚴肅:「我想知喎」

診所職場事 寶豬趣聞 關心你 珍寶豬 經一專欄
【診所職場事】究竟姨姨係嚟診所係睇醫生定嚟見工呀?圖片:電視截圖

做診所有幾錢人工?

我都一臉繃緊:「我唔想俾你知」
佢:「個女話俾阿媽知自己有幾錢人工有幾閒呀?你驚死你阿媽會食咗你隻車咩?」
我:「你都唔係我阿媽」
佢好似終於知道自己唔係大眾媽媽:「咁我可唔可代你阿媽問呀?」

診所職場事 寶豬趣聞 關心你 珍寶豬 經一專欄
【診所職場事】姨姨:「個女話俾阿媽知自己有幾錢人工有幾閒呀?你驚死你阿媽會食咗你隻車咩?」圖片:電視截圖

唔駛你關心我幾錢人工

我低頭做自己嘢:「唔可以」
佢發晦氣:「我個女做廢青都好過做你呀!起碼佢咩都會答我先啦!關心吓啫」
你關心自己個女得㗎啦,我唔駛你關心~謝謝你~

經一專欄 診所職場事 寶豬趣聞 小姐心事 珍寶豬 醫生 護士
【診所職場事】你關心自己個女得㗎啦,我唔駛你關心~謝謝你~圖片:unsplash

相關文章