診所職場事 【寶豬趣聞】愛護動物|珍寶豬|經一專欄

診所職場事 【寶豬趣聞】愛護動物|珍寶豬|經一專欄

診所職場事・ 經一專欄】有日診所有幾位病人喺度等睇醫生~
一位小姐入到嚟診所,佢行埋嚟登記處問:「等幾多個呀?」

我:「而家登記嘅排第六個」
佢:「咁同我登記啦」

撰文:珍寶豬|圖片:unsplash

登記後,佢行去座位度,不過佢第一件事唔係坐低~
佢將手上嘅寵物袋放上座位,拉開拉鏈,伸手入袋抱咗隻狗仔出嚟。
之後佢抱住隻狗仔喺診所周圍行,一邊行一邊講:「你睇吓,你聞吓呀」
我同佢講:「麻煩小姐你放返隻狗仔入袋先呀」
佢唔理我。

診所職場事 寶豬趣聞 愛護動物 珍寶豬 經一專欄
【診所職場事・ 經一專欄】圖片:unsplash

當中有位病人行埋嚟細細聲同我講:「姑娘,我可唔可以轉頭先返嚟再睇呀?佢走咗之後你話我知呀,我再返嚟呀?」
小姐咁啱就行到去呢位病人後面,佢同病人講:「你驚狗呀?駛唔駛咁驚呀?我boyboy咁可愛都驚?」

我:「小姐呀,其實呢度診所嚟㗎,你可唔可以放返你隻狗仔入袋呀?」

診所職場事 寶豬趣聞 愛護動物 珍寶豬 經一專欄
【診所職場事・ 經一專欄】圖片:unsplash

佢高八度音:「梗係唔得啦,我boyboy唔可以喺袋入面太耐㗎,佢驚黑㗎」
我:「個袋上面有塊布俾你打開㗎嘛,打開咗咪有光囉,你咁樣抱住隻狗周圍行都會影響到人㗎,麻煩你放返隻狗入袋」
佢抱住佢隻狗係咁錫:「唔得㗎,boyboy好痴我㗎,見少陣都喊㗎,boyboy可?」

診所職場事 寶豬趣聞 愛護動物 珍寶豬 經一專欄
【診所職場事・ 經一專欄】圖片:unsplash

我:「你咁樣影響到人啊~」
佢:「影咩響啫」
企喺我面前嘅病人終於頂唔順。『乞~~~~痴~~~』
病人邊走邊講:「我轉頭返轉頭返」

診所職場事 寶豬趣聞 愛護動物 珍寶豬 經一專欄
【診所職場事・ 經一專欄】圖片:unsplash

佢即刻好大反應:「你做咩對我boyboy打乞痴呀?你有病㗎?」
我:「小姐,如果你再唔放返隻狗仔入袋嘅話,咁麻煩你出去等啦」
佢:「出面咁凍你忍心要我兩母子出去呀?」
你扮咩可憐啫。

診所職場事 寶豬趣聞 愛護動物 珍寶豬 經一專欄
【診所職場事・ 經一專欄】圖片:unsplash

我:「始終呢度係診所,你帶狗入嚟都算啦,你放返佢入寵物袋就算啦好冇?」
佢:「你當佢係毛公仔唔得㗎咩?」
我當你係死屍我唔得呀?

診所職場事 寶豬趣聞 愛護動物 珍寶豬 經一專欄
【診所職場事・ 經一專欄】圖片:unsplash

我:「唔好自己呃自己啦。你唔放嘅就麻煩你出去啦」
佢:「咁我唔睇啦!我都唔想幫襯啲唔愛護動物嘅診所囉,我好愛護動物㗎!我最憎就係你呢啲唔鍾意動物嘅人呀!」
佢行去放返隻狗入袋,扭住屁股咁離開診所。
有時呢~唔係人哋唔鍾意動物,係唔鍾意你啫。你唔好仆住出嚟做愛護動物嘅代表添呀。

相關文章