為上車 你可以去到幾盡 網民:買唔起樓咪申請公屋囉|網民熱話

為上車 你可以去到幾盡 網民:買唔起樓咪申請公屋囉|網民熱話

上車網民熱話】利申90後,下年就畢業,自知買唔起樓,所以都冇諗過係香港買樓。究竟係我有病,定係個社會病左?近日一位70後既網民係網上討論一啲買唔起樓既人,而網民本身係有樓自住有收租樓既「人生大贏家」。

撰文:ting| 圖片:電視截圖、unsplash

香港上車 有無可能

對於一般人黎講,係香港買層樓,可能Mission impossible。樓主提到買唔起樓既90後、80後,甚至70後都有唔同既原因怪個社會。

90後可能會怪冇父幹,70後可能會怪樓價太貴唔值得能。但係Sorry,係樓主既眼中,你只不過係為自己既無能搵藉口。

90後 畢業 買樓 上車 網民熱話
圖片:電視截圖

的確,對於好多一早上左樓既人黎講,可能真係會有種「我都上到啦有咩禁難」既諗法。

有網民將買唔到樓歸究於「懶」,又認為上車其實有好多方法「400萬樓下仲有好多選擇」、「買唔起樓咪申請公屋囉」,重叫大家比返啲落台階班「垃圾」。

90後 畢業 買樓 上車 網民熱話
圖片:電視截圖

時勢造英雄

曾幾何時利申屋企都有層樓,只不過屋企當時有其他野發生左,所以放左出去。諗住Timing啱就入返手,點知等下等下,連機會都冇埋。

唔係唔想買,係真係比唔起。屋企人成日都話如果當時冇買層樓出去,依家應該發左達。大佬!禁多如果呢個世界冇窮人啦。

90後 畢業 買樓 上車 網民熱話
圖片:unsplash

有人話以前買樓「150萬左右」,依家買樓「賣600萬至800萬」,咁計法炒樓重多過你返十年工。

但係邊有人估到呢十幾廿年樓價會升禁多,如果唔係個個都買唔起,又點會上禁多人出黎怨?

90後 畢業 買樓 上車 網民熱話
圖片:unsplash

生活定生存

「其實買唔到樓又有咩好怕喎」唔係想同大家灌輸生命滿希望既樂觀態度,只係想講要諗清楚自己想要咩生活。

除非你人工好多,如果唔係儲錢買樓既其實犧牲好多,「不是每年去少三四次旅行就可以買到」。

90後 畢業 買樓 上車 網民熱話
圖片:電視截圖

以前成日諗自己將來想要咩生活,諗左好耐都係覺得求開心最好。買到樓當然好,買唔到都冇辦法架,始於我都真係比較「懶」。

正如網民咁講:「凡事感恩。買到也好,買不到也好,主已為我們安排最適合的路。」

相關文章