診所職場事 【寶豬趣聞】衫舖收幾點|珍寶豬|經一專欄

診所職場事 【寶豬趣聞】衫舖收幾點|珍寶豬|經一專欄

診所職場事・ 經一專欄】電話響起~
我:「你好,乜乜診所」

對方係一位女士:「喂?你係邊個話?」
我:「乜乜診所」
佢:「哦,我喺度睇過㗎」

撰文:珍寶豬|圖片:電視截圖、unsplash

我:「請問有咩事呢?」
佢:「我諗住夜啲會過嚟呀」
我:「我哋今日收七點半,你七點半前嚟都會有醫生睇~」
佢:「你知唔知賣衫嗰間收幾點呀?」
我:「吓?賣衫?」

診所職場事 寶豬趣聞 衫舖收幾點 珍寶豬 經一專欄
【診所職場事・ 經一專欄】圖片:電視截圖

佢:「係呀,同你同一個場嘅呢,嗰間呀」
我:「唔好意思呀小姐,我唔清楚佢嘅收工時間」
佢:「你行過去同我問啦」

診所職場事 寶豬趣聞 衫舖收幾點 珍寶豬 經一專欄
【診所職場事・ 經一專欄】圖片:電視截圖

我:「唔好意思呀小姐,你可以自己打過去問佢嘅,如果冇其他關於診所嘅問題,我收線㗎啦」
佢:「喂喂喂?唔好收線住,我仲有嘢講呀!」
我:「請問仲有咩事呢小姐?」

診所職場事 寶豬趣聞 衫舖收幾點 珍寶豬 經一專欄
【診所職場事・ 經一專欄】圖片:電視截圖

佢:「你今時今日咁嘅服務態度唔好做人啦,去做雞啦!」
你估做雞易㗎?要做一隻出色嘅雞係需要好多功夫㗎!你想拎我去做炸子雞定豉油雞啊?
我:「小姐,我哋係診所嚟㗎,你有其他關於其他舖頭嘅問題,可以打返去嗰間舖頭問,而唔係問我哋㗎,我哋係唔會知其他舖嘅開工收工時間。」
佢:「我咪話你態度差囉!做人都差囉!做狗啦!」

診所職場事 寶豬趣聞 衫舖收幾點 珍寶豬 經一專欄
【診所職場事・ 經一專欄】圖片:電視截圖

仲有冇其他動物呀?一次過出晒啦不如~做獅子做老虎做大笨象~
我:「仲有冇其他問題呢小姐?冇嘅話我真係收線㗎啦」
佢:「做雞啦你!你自己得罪咩人死到臨頭都唔知呀!」
嘟。
嚟呀,我想死好耐㗎啦,快啲嚟解決我助我脫離痛苦嘅世界啦。

診所職場事 寶豬趣聞 衫舖收幾點 珍寶豬 經一專欄
【診所職場事・ 經一專欄】圖片:電視截圖

相關文章