診所職場事 【寶豬趣聞】小姐心事(下回)|珍寶豬|經一專欄

診所職場事 【寶豬趣聞】小姐心事(下回)|珍寶豬|經一專欄

診所職場事・ 經一專欄】上回《診所職場事 【寶豬趣聞】小姐心事(上回)》講到小姐以為我診所有好多人打工,不過好可惜,診所今日係得我一個聽電話登記執藥,細診所成日都係咁㗎啦,同事射波就得返一個人一腳踢,好奇咩~

撰文:珍寶豬funnyclinic)|圖片:電視截圖、unsplash

細診所成日要一腳踢

唔知佢係咪唔認得我把聲?我把聲咁YAP都唔認得?
我:「頭先同你講電話嗰個咪係我囉~」
佢:「你頭先邊有同我講過電話呀?頭先嗰個話同我預約咗㗎!」

經一專欄 診所職場事 寶豬趣聞 小姐心事 珍寶豬 醫生 護士
唔知佢係咪唔認得我把聲?圖片:unsplash

我:「係我嚟嘅,今日診所係得我一個聽電話,總之我頭先喺電話講係同你登記,我係講得好清楚嚟到係要排隊。」

經一專欄 診所職場事 寶豬趣聞 小姐心事 珍寶豬 醫生 護士
佢:「你頭先邊有同我講過電話呀?頭先嗰個話同我預約咗㗎!」圖片:電視截圖

小姐係咁推門想打尖?

佢係咁推門:「我冇咁多時間同你玩呀!開門呀!我要入去呀!」
我:「麻煩小姐你坐返低呀,就算你入到去醫生都唔會睇你㗎,都係會叫你出返嚟~你個排版都未拎入醫生房」

經一專欄 診所職場事 寶豬趣聞 小姐心事 珍寶豬 醫生 護士
小姐係咁推門,唔肯坐低。圖片:電視截圖

佢繼續推門:「俾我入去呀!」
其餘幾位病人開始一人一句『坐低啦,唔好打尖呀』,『得你想睇先咩』,『趕住去拎出世紙呀』

初初小姐都有駁吓咀『關你咩事呀』。

經一專欄 診所職場事 寶豬趣聞 小姐心事 珍寶豬 醫生 護士
初初小姐都有駁吓咀『關你咩事呀』。圖片:電視截圖

叔叔一句話 小姐即刻離開診所

到叔叔講咗句…:『你係咪屙爆咗粒痔瘡呀?嗰時我又係咁,真係要急住睇醫生㗎!真係好攞命㗎!我俾你睇先啦,女仔之家,你哋都俾佢睇先啦?姑娘你就做吓好心啦,大家都係女人,大家都有屎眼。痛起上嚟真係好痛㗎,如果唔係佢駛咩咁急睇呀。我認得呢位小姐㗎,佢住我嗰棟樓㗎!我成日都見到佢,一早都覺佢係有事啦』。

經一專欄 診所職場事 寶豬趣聞 小姐心事 珍寶豬 醫生 護士
叔叔講咗句:「你係咪屙爆咗粒痔瘡呀?」圖片:電視截圖

叔叔唔知係咪講中咗小姐某啲傷心事,小姐靜了,佢安靜地離開診所
喂,做咩走呀,屙爆咗嘅話就睇醫生啦。

經一專欄 診所職場事 寶豬趣聞 小姐心事 珍寶豬 醫生 護士
叔叔唔知係咪講中咗小姐某啲傷心事,小姐靜了,佢安靜地離開診所…圖片:unsplash

相關文章