物價係咁加 人工加少少 人工跑輸通脹幾多？

1/ 快餐店
加幅：6%

香港地實在是「搵食艱難」，2016年初的時候，各大連鎖店就已經紛紛加價，大部分加$0.5-2，最高加幅接近6%。打工仔食個晏晝飯都咁貴，其實都幾頭痛，例如大家樂最新業績會上指，平均餐價是35元，按年加幅係$1-2，以加2蚊為基準，加幅有6%。大家樂指調整價錢是因租金和人工等成本上升，因此要加價。

2/ 麥當勞
加幅：最高7.7%

如果發現銀包冇錢，發現自己得返$22，諗住去麥當勞食個餐，身於2016年的你只可以散叫一個包了。因為於年初，麥當勞宣布三大類套餐及早餐各加價$1，最高加7.7%。所以最平$22餐都變成了$23餐了。

3/樓價租金
樓價加幅：6.9%
租金加幅：3.6%

不論香港政府用咩方法，香港樓價仍然高企。本來以為年初樓價會跌，好多上車人士諗住準備入市之際，樓價竟然一個屈尾十升返上去，依家個別屋苑樓價仲創新高。香港人繼續買唔到樓，繼續俾貴租。

咁埋單計，樓價及租金今年升幾多？反映樓價的中原城市領先指數最新報145.17，比年初的135.83，上升了6.9%。租金方面，根據美聯租金走勢圖，今年0月呎租是25.6元，相比今年初只有24.7元，升幅亦有3.6%。如果想上車真係要努力啲搵錢。

4/ 港鐵
加幅：2.7%

今年6月，港鐵按「可加可減機制」連續第7年加價，加幅為2.7%，等於平均每程加價2毫。是次加價，會為港鐵每年增加大概3.6億元收入。平日返工放工、出街，總會搭下港鐵，宜家車費愈來愈貴，唔通真係留係喺屋企做宅男宅女？

5/ 「牛肉乾」
加幅：50%

由2017年1月1日開始，俗稱「牛肉乾」的違反交通條例的定額罰款將加價50%，分別由$320加至$480；$450加至$680。運輸及房屋局局長張炳良指，罰款的阻嚇作用，因通脹而開始減弱，加上違例泊車的問題日漸嚴重，希望罰款增加可以改善情況。不過，不論「牛肉乾」加唔加價，大家都要遵守交通條例，先可以做到「香港零意外」！

6/ 香港迪士尼樂園
加幅：9-12%

最近因拆睡公主城堡，而鬧得熱哄哄的香港迪士尼樂園，日前已經開始加（非港人）價，而港人則有3個月優惠，至下年年初都可以使用舊價格。幾種門票和年票加幅至9-12%不等，其中成人全年白金卡的加幅最高有12%；而加幅最少的是成人和小童2日票，加幅為3%。如果想襯未加價去迪士尼的港人，就要把握時間啦！

7/ 香港海洋公園
加幅：13%

想去主題公園玩真係一啲都唔平，除了迪士尼加價之外，海洋公園同樣加價。海洋公園於下年開始正式加價，成人門票由$385加至$438；小童門票加至$219，大概加幅為13%；全年入場證的票格就沒有加價。而港人亦可有兩個月原價的優惠，所以都係嗰句，襯未加價就好去玩返轉啦！

8/ 公立醫院　
加幅：36%-120%

近日醫管局開會通過調整公共醫療服務收費，急症室將會由現時每次收費$100加至$220，加幅高達120%，急症室病床則由每日100元加至150元，加幅50%，希望藉此減少非急症人士用急症室。

另外，專科門診的收費都會上調，首次診症的加幅達70%，由$100加至$170，其後每次診症費由60元加至100元。配藥費方面，每種處方藥物會由10元加至17元。加幅最少的是普通科門診，加幅只有36%，價格由$45加至$61。不過呢個建議仍有待政府拍板。

9/ 私立醫院　

加幅：4.5% – 38.25%

私家醫院已經於今年年中搶先調整收費，加幅分別由4.5%至38.25%不等。其中加幅最多的是明德醫院的內外科部標準房，最新每日收費為$900，加幅達38.5%；加幅最少的是養和醫院的普通病房，加幅4.5%，最新收費為$1060。

10/　人工　加少少
加幅：3.9％－4.1%
人力資源策略及發展研究中心於7-9月發表報告，指香港今年的人工加幅介乎3.9％－4.1%，同時亦預期下年加薪幅度平均大約有3.5%-3.8%，加幅比2016年低。雖然都叫做有人工加，不過樣樣都加價，加加埋埋都係唔夠錢用呀！

伸延閱讀：
【港家庭平均月花$27600 生活質素會係點？】
http://www.edigest.hk/Vip/detail?id=6611
【想儲首期上車 每月要儲幾多?】
http://www.edigest.hk/Vip/detail?id=5843
【港鐵又加價 出街前必睇港鐵優惠】
http://www.edigest.hk/Vip/detail?id=3233