診所職場事 【寶豬趣聞】唔敢食嘅藥|食藥|珍寶豬|經一專欄

診所職場事 【寶豬趣聞】唔敢食嘅藥|食藥|珍寶豬|經一專欄

【食藥.診所職場事・ 經一專欄】電話響起~對方係一位先生:「喂?診所?我有冇打錯?」我:「你好,我哋係乜乜診所」佢:「哎!掂啦!我有啲啲嘢想請教吓你啫」

撰文:珍寶豬funnyclinic)|圖片:電視截圖、unsplash

打電話嚟請教食藥問題

唔好講到請教咁嚴重,我受唔起㗎~
我:「如果你有啲咩健康上嘅問題,可以嚟問醫生呀」
佢:「唔係唔係,唔係健康嘢㗎,係啲藥嘅少少嘢啫,你應該知㗎」
你知唔知聽電話嘅我並唔係一個藥劑師,我只係負責登記。
我:「藥都問返醫生啦,我答你唔到㗎」

食藥 醫生處方藥物 家庭醫生 護士 診所職場事 寶豬趣聞 珍寶豬 經一專欄
電話響起~對方係一位先生:「喂?診所?我有冇打錯?」圖片:unsplash

佢:「乜嘢呀,少少嘢咋喎,我喺日本買咗啲藥想睇吓食唔食得咋喎」
我:「我哋唔會對其他藥作出任何評論意見㗎,你有需要嘅嚟睇醫生啦」
佢:「唔係啲咩毒藥喎,駛唔駛咁快落閘呀?你驚我要你揹飛呀?」

食藥 醫生處方藥物 家庭醫生 護士 診所職場事 寶豬趣聞 珍寶豬 經一專欄
我:「我哋唔會對其他藥作出任何評論意見㗎,你有需要嘅嚟睇醫生啦」圖片:電視截圖

只回應醫生處方嘅藥

正常人正常服用就應該唔係毒藥,誤服就有機會變成毒藥啦~
我:「唔係我哋醫生處方嘅藥,我哋一律係唔會回應㗎」
佢:「你呢啲咩官腔呀?我啲嘢有寫明係咩藥嚟㗎嘛」
咁你咪自己睇囉。你又要買,又要驚,做咩啫。
我:「先生,啲藥係你自己買嘅,我哋唔會清楚你買咗啲咩藥」
佢:「我梗係知你唔知啦,所以我咪打嚟同你講囉,藍色盒銀色字嘅」

食藥 醫生處方藥物 家庭醫生 護士 診所職場事 寶豬趣聞 珍寶豬 經一專欄
你又要買,又要驚,做咩啫。圖片:電視截圖

最好係睇返家庭醫生

哇,你講得好清楚呀,你咁講完我即刻知係咩藥啦,仲好想請你食返一打半打呀。
我:「你有需要嘅話嚟睇醫生啦」
佢:「喂!啲藥我喺日本買返嚟㗎,你唔搵個人答我係咩藥我食唔食得,我點食呀?咁我買返嚟做咩先」

買嚟自尋煩惱?~

食藥 醫生處方藥物 家庭醫生 護士 診所職場事 寶豬趣聞 珍寶豬 經一專欄
我:「你有需要嘅話嚟睇醫生啦」圖片:電視截圖

我:「每個人嘅身體狀況都唔同,每個病嘅病況都唔同,唔係人哋食呢隻成藥OK就等如你都OK,有唔舒服就最好睇返自己嘅家庭醫生。」
佢:「垃圾啦!」
嘟,我被CUT線了。
買完返嚟又係掉又係變垃圾,堆填區真係多謝你呀!

食藥 醫生處方藥物 家庭醫生 護士 診所職場事 寶豬趣聞 珍寶豬 經一專欄
買完返嚟又係掉又係變垃圾,堆填區真係多謝你呀!圖片:電視截圖

相關文章