投資新手月供$4,000買好股 獨贏只買盈富 夠累積財富|龔成信箱|經一專欄

投資新手月供$4,000買好股 獨贏只買盈富 夠累積財富|龔成信箱|經一專欄

【盈富・經一專欄】今日龔成信箱,不少讀者想為未來作打算,如何實行投資計劃,亦提及熱門的股票以及投資心態等問題,當中包括置業、優質股月供股票、潛力股、收息股,以及平穩增值股等提問。

撰文:龔成|圖片:新傳媒資料庫、unsplash

1.盈富

龔成先生你好,看過你書籍後覺得有所得著,但未知應如何入手投資。希望你可以就以個案提供些意見。謝謝。

我正職月入14,000左右(扣掉強積金),最近有在酒店做炒散,一個月會有800元左右收入。目前有5萬儲蓄在銀行,年利率是3.3%。

我的支出不穩定,有時要幫忙支付家庭租金,每月12,800。若不用幫忙支付家庭租金,我每月可以儲8,000元以上。我每月基本支出約是5,000元以下 (交水電煤雜費約2,400元,我的家庭戶口1,000元,我和男友的儲蓄戶口1,600,),另外有份年供10,000的保險支出。

我之前曾經與男友投資過騰訊,當時在399入,當時沒有經驗太緊張,見它一直插水就於299左右沽出,兩人損失3萬多,故一直都不敢再投資。

最近我見到你文章提及月供盈富(2800)可以做到穩定性增長。我前幾天與男友討論過,將我們每月儲起的二千元分一半去月供盈富,直至供完3手。

另一半資金就放在戶口收3.3%年利率。請問對於我這個個案來說,是否適合呢?還是應該繼續全數錢繼續放在銀行戶口,保本賺3.3%年利率以減少市場動盪的風險呢?

期待你的回覆。

龔成老師:

投資股票要有一定的知識及經驗,所以,很多新身都有同你類似的經歷,這是正常的。騰訊(0700)其實本身不差,前景正面,但最大的問題是企業估值,經常都處貴的水平,就算近期都有少少貴。

由於企業估值及投資時機,都要經過學習才能掌握,因此,利用月供股票,作為累積財富的方法,是比較適合初階投資者,因為運用了「平均成本法」,有效將風險減少。

月供盈富(2800)是很好的方法,如果資金許可,加多少少至$3000、$4000,都無問題。同埋,最好保持長期月供,咁樣先可以幫你累積財富,因為月供的特點,是長期的買入價平均,如果時間不足,就未見到效果。

股市中短期一定會上落,但優質股長期股價則向上,所以,長線好重要。

另外,如果銀行能保持3.3%,那可以將部分的資金,保持投放在這裡。(對照龔成信箱:Q9446)

盈富 投資新手 月供 好股 財富 龔成信箱 經一專欄
【盈富・經一專欄】圖片: unsplash

2.按揭

龔sir ,如果我係首次置業,如可向銀行借9成買樓,值得冒險把單位立刻租出去嗎

會否怕被按揭保險計劃公司發現而被銀行call loan ?

龔成老師:

世上做所有事情都有風險的,要睇你自己會否冒這個風險。

我只可以話,坊間唔少人都會咁樣做,如比人發現,各種情況都有可能,但較常見的是罰錢。

見諒我不便在這裡講太多,有機會你在課堂中,面對面問我會更好。

(對照龔成信箱:Q9434)

3.小米(1810)

你好
1810仲可以守住嗎?

龔成老師:

小米(1810)的業務、產品不差,同時企業有發展力,不過,佢過往估值貴,這點由上市開始我已經有講,你會見到佢這刻的盈利唔多,但估值好高,所以,這類股只能小注。

如果你持有小米不多,可持有住先,但你預佢是有危有機的類別。

近期股價回落,算是較合理,但相信股價仍會相當波動。(對照龔成信箱:Q9435)

盈富 投資新手 月供 好股 財富 龔成信箱 經一專欄
【盈富・經一專欄】圖片: unsplash

4.中國奧園(3883)

成哥!
我想問3883前景如何?

龔成老師:

中國奧園(3883)主要於中國從事物業發展及物業投資業務,近年增長快速,這是受中國樓市保持向好的情況帶動,加上佢利用大量負債運作,當好景時,佢就會好好賺。

但佢的負債的確太多,有點令人擔心,必然有危有機,好景時好好賺,但逆景時,就幾大件事。

所以,這類股不是無前景,但風險較高,我自己會有保留,若你投資只能小注。

(對照龔成信箱:Q9437)

5.置業

你之前話樓市中短期向下,長期向上,我好認同。

不過我想聽你講多少少,我留緊彈藥,未置業,好想有機會可以買樓自住,有機會再買多一個做investment當草資產

龔成老師:

香港樓近年處貴水平,這點我一直都有講,這從租金回報率就睇到,當香港經濟轉弱,外圍有較多不確定因素,加上加息因素,都會令之前處貴水平的香港樓受壓。

近期樓價回左10%,但仍然不平,因此,中短期仍有機會受壓(當然,跌幾多、跌到幾時無人知),但有機會令2019年、2020年,出現了買樓的機會。

而長期樓價,仍會向上,因為香港樓的長期供應仍不足,而需求正在不斷累積,例如我見到我身邊的朋友,不少都處於「等緊買樓的狀態」,這是需求,但未出現,只要樓價回落到某水平,就會出現,我相信這個需求不少。

所以,我相信樓價中短期會受壓,但不會跌太多,由高位計20%已差不多,之後就會平穩,甚至向上。而長期則會向上。

(對照龔成信箱:Q9438)

盈富 投資新手 月供 好股 財富 龔成信箱 經一專欄
【盈富・經一專欄】圖片: unsplash

6.收息

成老師你好!如長遠收息,中行(03998) 及 置富(0778) 你會選邊隻?

中行及置富現價合理嗎?Thanks

龔成老師:

兩股現時都處合理區水平。

置富(0778)會比較好,雖然兩隻都是不錯的收息股,但銀行的本質風險會較高,而地產的租金始終較為穩定,同時物業比較實在,所以,置富會較好。

加上,置富持有的物業,都是民生類別的商場,這會較少受經濟週期的影響,對物業價值、租金,都有較高的穩定性。

(對照龔成信箱:Q9439)

7.恆生(0011)

你好,多謝你的回覆,你話我著重匯豐既比率都高。我大概63蚊到64蚊入貨的。

咁想請問依就你分析,恆生好過匯豐,咁我係咪應該等匯豐升高d再賣出部分, 將賣出既放入恆生作長遠投資?

定照持匯豐唔好理佢,只等慢慢收息?

龔成老師:

對,可以咁做。

我地唔會太著重買入價、賺蝕,而是會考慮「點解令你的財富,從這刻計,長遠有最大的增值」。

匯豐(0005)雖然有質素,但增長力不及恆生(0011),因此,長遠來說,你持有較多的恆生好過匯豐。

你應慢慢將匯豐,轉成恆生,長遠會較有利。當然,這動作不用急於進行,可以等高少少價位先賣。

(對照龔成信箱:Q9440)

盈富 投資新手 月供 好股 財富 龔成信箱 經一專欄
【盈富・經一專欄】圖片: unsplash

8.浙江滬杭甬(0576)

576 買左諗住收息,但突然中斷派息,如何應付及防止同類情況?

龔成老師:

浙江滬杭甬(0576)不用擔心,佢只是不派中期息,佢話會在未期派翻的。

首先,企業如何派息,完全由管理層決定,除非你買入房託,例如置富(0778),又或信託,例如香港電訊(6823),這些都會要求佢派息的比率在90%、100%。

所以我地投資者都好難完全避免,我地可以建立一個組合,去避開單一股票的風險,這已是較好的做法。

當我地投資收息股時,盡量找一些業務穩健,現金流穩健,以及派息穩定的。浙江滬杭甬(0576)其實都是這一類,佢在中期業績的年報講「董事會建 議本公司中期股息調整為合併入年度股息一次派發。」

所以,不用擔心。

(對照龔成信箱:Q9441)

9.創業

老師,自助洗衣店,有得搞嗎?

我分析過深水步區太多
不知道有什麼區好做呢?

但是一次其實也幾貴。40$
「湯房戶」真的能負擔?
一部洗衣機只4000$。

洗100次,已經可以買一部洗衣機。我明白住宅越來越細屋企根本不能放得下洗衣機。

所以我們應target中高收入的納米樓?
定係真係target 深水步等湯房戶人家?

同埋如果我開了一間在街頭,過半年另一間又開了係街尾,競爭也愈來愈大。

龔成老師:

自助洗衣店有得搞,但競爭的確加大。

而家香港後生仔,結左婚後,好多都唔太想自己做家務,因為兩個人本身都有正職,大家都累,所以呢個市場好切合佢地。

另外,香港樓愈來愈細,有好多連洗衣機都未必有足夠的位放,又或洗左都唔知掛邊,所以,呢個亦是令市場不斷增加的原因。

當然,我地都會考慮該區人的消費力,年輕、細單位,是主力市場,但消費力太低的區份,就算好多細單位,都未必是市場。

你可以分析下,各區的人口比例,收入情況,單位大小,這些資料都可以上政府統計網找到。

市場一定會不斷加大競爭,各行業都有相同情況,你好難避免的。

(對照龔成信箱:Q9442)

盈富 投資新手 月供 好股 財富 龔成信箱 經一專欄
【盈富・經一專欄】圖片: unsplash

10.價值投資法

hi sir,我23歲,自從認識到你,我既生活每日都係股票同投資,投資已經變左我既興趣。不停想講關於你教既理論比人知,可惜冇人有興趣

我做左會計clerk 一年半了,好想跳出去,想做證券相關工作,每日見到財經消息,股票消息,我都好興奮,完全唔覺得悶。但我諗我做經紀唔太得,講野唔叻。

考慮緊以做股票分析員做目標,我只得topup bba degree,諗住考CFA level 1 入行,可行嗎?我知道仲要證券相關牌照。

1) 想請問點解你當初唔做股票分析員既,你分析咁叻,係咪有d隱藏位我唔了解?

2) 我上網睇,好似要由dealer做起?

Thanks!萬分感謝!

龔成老師:

價值投資法,都是市場上的小眾,所以你同人講,都未必有興趣,不過,全球最賺錢的投資者、基金經理,都用這方法,所以我地一定會用!

你可以試下行CFA,但不易考的,不過內裡有好多同企業及會計有問的知識,單是學習已經不錯。你可以憑這做切入點,考左有用的。

1)我不喜歡幫人管理財富,又或幫公司,我喜歡做自己中意做的野,中意幫自己分析股票、幫自己建立財富。

2)每度地方唔同的,總之,你入左行先,入左行會令你更知道點行,同埋有更多資訊。(對照龔成信箱:Q9443)

相關文章