空姐唔易做 麻煩客分四級

對於空姐空少嚟講，麻煩客分四級。佢哋都係有不同程度嘅問題而至障礙，可能好多你哋都聽到嫌，但真係講極都唔得呢班人醒。

初階：低能

做空姐就好似做保姆咁，但係同時係幾廿人嘅保姆。
上咗半空幾萬呎，好多人都會智商及自理能力向反方向進發。
食嘢食到一地都係、喺機上飲嘢漏口嘅機會率都零舍高、去廁所洗完手張紙巾唔識掉入個垃圾桶等等…

派嘢飲嗰陣久唔久就會遇到啲以為飛機搬咗成個7-11上嚟嘅客：
「雀檸吖唔該」
「青島吖」
「朱奶」

中階：玻璃心

不過低能嘅客人其實唔難應付，
最難搞嘅其實係啲玻璃心死要面嘅客人。

同佢講「沒有」就等於冒犯咗佢祖宗十八代
呢類人會即刻發難
唔用腦地鬧人：「無？點解會無？你有無盡過力？％＠＃︿＄＊＃％＊︿（＃！＄」
無… 咪無囉，真係咁難理解咩？

中高階：Ｒ著數

部分客人聽到我哋嘅回覆後會繼續鬧，
分別在於：一啲會要求你企定定聽佢鬧，而一啲就繼續自言自語。
但無論係邊一款，佢哋嘅共通點都係務求影響到身邊其他嘅客後，
你會為求息事寧人而畀著數佢。

高階：損人不利己嘅自私精

不得不說有啲客人真係好清高
鬧你唔係為著數
我諗佢哋都唔係好知自己想點
總之就係唔畀你繼續派餐唔畀你行開

總之要你企定定聽佢問候公司以至自己嘅祖宗
總之就係佢得不到滿足嘅話其他人都要陪佢受罪
你畀著數佢佢唔要
仲問你當佢咩人
我都搞唔清你係咩人
到底呢啲人諗緊乜？
你想我點啊？

#sorryfor1999