診所職場事 【寶豬趣聞】生日放假|珍寶豬|經一專欄

診所職場事 【寶豬趣聞】生日放假|珍寶豬|經一專欄

診所職場事・生日放假. 經一專欄】有日有位後生女嚟到診所。
佢行埋嚟登記處問我:「係咪睇完有醫生紙呀?」

我:「醫生認為你嘅病需要放假休息就會寫病假紙俾你~」
佢:「我要放呀」

撰文:珍寶豬funnyclinic)|圖片:電視截圖、unsplash

我真係好需要生日放假

我:「你俾身分證我先啊,我同你登記~」
佢拎出身分證,我登記緊時佢問我:「生日嘅話係咪都有得放?」
我哋係診所喎?唔係你公司啊?你公司冇生日假都唔關我哋事㗎?
我:「我哋冇呢啲㗎,要係病先會需要放假休息」

診所職場事, 寶豬趣聞, 生日, 珍寶豬, 醫生

佢:「我知,但係我生日真係好需要放假」
我:「呢個你可以自己同公司拎假啦,年假都得~病假唔係咁用嘅」
佢細細聲:「咪又係假…」

圖片:unsplash

其實我聽日生日㗎啦

我冇理佢繼續登記。
佢再問:「其實我聽日生日㗎啦」
我抬頭:「嗯?生日快樂」
佢:「我上年專登隱藏咗Facebook個生日日期…」
所以呢?IT嘢搵返IT部同事好冇?

診所職場事, 寶豬趣聞, 生日, 珍寶豬, 醫生
圖片:unsplash

佢繼續講:「跟住冇咩人記得我生日,上年冇咩人同我講生日快樂,我今日係咪應該開返個通知呀?咁啲人俾我提一提先會好似你頭先咁同我講生日快樂」
我:「…咁…我覺得呀~我覺得有真正記得你生日嘅人已經夠㗎啦,如果嗰啲係要靠上網先記得你生日嘅,可有可無啦~對佢哋嚟講都只不過一句文字咋嘛…」
佢:「冇咩人同我講生日快樂嘅話,我唔想返工,我想抖幾日散心…」
我:「不如咁啦,你有咩唔舒服嘅,一陣直接同醫生講啦,寫病假同睇你嗰個都係醫生嘛~你俾埋電話同地址我,我就登記完㗎啦」
佢寫低電話地址後,我俾返張身分證佢:「得㗎啦,登記完㗎啦,你坐低等等啊」

診所職場事, 寶豬趣聞, 生日, 珍寶豬, 醫生

生日冇假放過得好唔開心

佢:「我好唔好開返個Facebook生日呀?」
我:「你自己諗吓需唔需要啦,覺得令自己開心啲舒服啲嘅咪開返囉
佢:「生日冇假放過得好唔開心㗎…」
…我唔出聲啦~
最後小姐應該生日過得唔開心,醫生唔肯寫病假…

診所職場事, 寶豬趣聞, 生日, 珍寶豬, 醫生
圖片:unsplash

相關文章