騎呢暑期工

暑假要做功課是常識吧！不過總有啲又懶又貪玩既，去到開學前一日先知「大鑊鳥」，急急腳開通車潦哂佢，個心仲不斷祈求第二日黑色暴雨或十號風球，就謝天謝地啦！小編非常唔鼓勵呢種心態，應該奉行「自己功課自己做」學派，不過就有人睇中呢個商機，開咗門「代做功課」生意。數學0.5元題，英文20元二百字，照計都幾好賺，不過我諗做完呢份工後，應該一世都唔想再見到暑期功課。

2. 職業獎徒
成日見到Facebook抽獎，小編都有去Like同Share搏下有冇運，點知Share到個Page滿哂都冇獎，真係心灰意冷。不過當我發覺世界上原來有職業獎徒呢行，好似知道左個絕望真相咁。「獎徒」有數以百個Facebook Account，每次有抽獎活動就會湧現，狂Like狂Share中獎機會率極高，喂乜咁啱嘅又係你有獎呀？之後拎獎品去變賣，在家工作發達就係咁解。

3. Facebook Like 專員
如果你成為一個出色既職業獎徒，咁你名下既Account都應該有返咁上下數目，可以順便做埋「Like專員」。你可以上淘寶開檔，市價係100個Like可以賺3蚊人仔。咩話？會唔會Like到手軟？唔辛苦邊得世間財呀，捱下啦後左仔！

4. EQ訓練員
學生哥唔想俾人呃，都係踏踏實實係勞工處搵工。咦！有份工既職責係提升EQ訓練，只要中五程度同識講識寫就得，冇提到要特別資歷。唔知要點樣訓練EQ呢？上堂叫啲學生打下坐、唸下詩，咁得唔得呢？有興趣一於去見下工，返黎話俾小編知，究竟EQ訓練員要點做！