診所職場事 【寶豬趣聞】90cm|珍寶豬|經一專欄

診所職場事 【寶豬趣聞】90cm|珍寶豬|經一專欄

診所職場事. 經一專欄】有日一對母子嚟到診所。佢行埋嚟登記處同我講:「喂,出嚟同我個仔度高呀!」我望望咁有霸氣嘅佢:「登記咗先呀,登記完之後再同佢度高磅重呀!」

撰文:珍寶豬funnyclinic)|圖片:電視截圖、unsplash

一對母子嚟到診所⋯

佢:「要磅埋幾重呀?」
我:「係呀,醫生開藥要知道小朋友幾重」
佢:「幾重會唔會影響要收費呀?」
逐磅計?咁我睇醫生咪收勁貴?
我:「唔會呀,要知道佢幾重係因為藥劑量方面啫,唔關藥費事…」

診所 醫生 護士 高度 重量 診所職場事 寶豬趣聞 珍寶豬 經一專欄
有日一對母子嚟到診所。佢行埋嚟登記處同我講:「喂,出嚟同我個仔度高呀」圖片:unsplash

佢:「哦哦哦,咁得啦,你嗱嗱聲登記度高啦,不過你度唔度都得啦,用眼睇都睇到我個仔未夠90cm係唔駛錢㗎啦」
咩嘢90cm唔駛錢呀?邊個唔駛錢呀?
我:「我哋全部都要收費㗎喎?我呢度貼咗張紙出嚟寫咗診金藥費係幾多~你可以睇睇先」
佢:「我個仔好細個咋喎?我肯定佢未夠90cm喎?我去食蒲飛放題中西日式都唔駛俾錢啦」

診所 醫生 護士 高度 重量 診所職場事 寶豬趣聞 珍寶豬 經一專欄
佢:「我個仔好細個咋喎?我肯定佢未夠90cm喎?我去食蒲飛放題中西日式都唔駛俾錢啦」圖片:電視截圖

就算睇bb都要收診金藥費

我呢度診所嚟㗎,唔係俾你任食㗎…
我:「醫生有睇到佢嘅就要收診金㗎啦,我哋暫時係得長者優惠。小朋友嘅冇」
佢:「細路仔食得幾多呀?咁都要收錢㗎咩?」
我:「唔係食唔食得多嘅問題,係醫生有診症有開藥就要收~」
佢:「但係我個仔好細咋喎?我唔係要同你拗啲咩呀,你唔覺得唔合理㗎咩?明明我個仔好細,佢甚至可能食唔到正常嘅十分一?」

診所 醫生 護士 高度 重量 診所職場事 寶豬趣聞 珍寶豬 經一專欄
佢:「細路仔食得幾多呀?咁都要收錢㗎咩?」圖片:unsplash

我覺得最唔合理嘅係你,你唔係拗緊唔通喺度表演緊呀?
我:「我哋就算睇bb都要收診金藥費㗎,你係咪之前冇同小朋友睇過醫生,應該冇咩診所會有你講嘅90cm就免費㗎?」
佢:「我老公同我講有㗎!佢話佢試過有姑娘唔收佢錢㗎!

診所 醫生 護士 高度 重量 診所職場事 寶豬趣聞 珍寶豬 經一專欄
佢:「我老公同我講有㗎!佢話佢試過有姑娘唔收佢錢㗎!圖片:電視截圖

嬲爆走人 漏低個仔喺診所

佢嬲爆爆咁走咗,不過佢漏咗個仔喺度,我同佢個仔你眼望我眼…我大聲嗌入醫生房:「醫生!有人漏低咗個仔喺度呀!」
醫生應該見慣大場面:「得㗎啦,佢會返嚟接返佢㗎啦,冇接返咪報警囉!」
於是我繼續同佢個仔你眼望我眼。
過咗陣,佢終於醒起自己個仔返嚟診所,我都冇出過聲,佢就一嘢飛埋嚟:「要收錢我唔睇呀!我老公話90cm唔駛錢㗎!」

佢抱起個仔齊齊離開~
會唔會你老公施展咗某啲90cm魔法可以免收費呀?

診所 醫生 護士 高度 重量 診所職場事 寶豬趣聞 珍寶豬 經一專欄
佢嬲爆爆咁走咗,不過佢漏咗個仔喺度,我同佢個仔你眼望我眼…圖片:電視截圖

 

相關文章