診所職場事 【寶豬趣聞】阿姐的情人節花束|珍寶豬|經一專欄

診所職場事 【寶豬趣聞】阿姐的情人節花束|珍寶豬|經一專欄

【情人節花束.診所職場事. 經一專欄】有年情人節…我哋診所上上下下都冇人收到花,包括當值女醫生,其中一位高級少少嘅阿姐,成個朝早都苦瓜乾面口咁篤電話…

撰文:珍寶豬funnyclinic)|圖片:電視截圖、unsplash

冇情人節花束唔開心

我忍唔住問佢:「做咩咁嘅樣呀?唔舒服呀?」
佢:「今日情人節呀」
我:「所以?」
佢:「冇花收唔開心囉,仲要你哋個個都冇,一啲情人節氣氛都冇」
我:「哦~我單身冇花收好正常」
佢:「咁睇你個款你冇人要都好正常嘅」
咦?我原先係嚟關心你,點解你突然插我一刀嘅?你介唔介意俾我插返刀呀?

情人節 花 醫生 護士 診所職場事 寶豬趣聞 珍寶豬 經一專欄
有年情人節…我哋診所上上下下都冇人收到花。圖片:電視截圖

關心你 點知被插一刀

我:「情人節都唔一定要收花啫…」
佢:「冇花收仲邊係情人節呀,我成年都白過啦,唔得!我要做返啲嘢!」
我冇理佢,亦唔想聽佢嘅『做返啲嘢』係咩意思,我靜靜哋行返去藥房執吓藥算。

情人節 花 醫生 護士 診所職場事 寶豬趣聞 珍寶豬 經一專欄
我:「情人節都唔一定要收花啫…」圖片:電視截圖

診所突然多咗幾紮花…

食完晏後,診所內多咗幾紮花…
阿姐見我哋返晒嚟,拎起紮花塞俾同事:「嗱,今日情人節呀」
佢塞咗啲花俾同事們,唯獨我冇~同事們收花後一頭霧水…
A同事問:「紮花…你送俾我哋呀?」
B同事問:「我哋有,阿豬冇嘅?」
阿姐解釋:「佢冇男朋友呀,廢事啲人一眼睇穿佢自己買花俾自己咁樣衰呀」
喂,唔該晒喎!

情人節 花 醫生 護士 診所職場事 寶豬趣聞 珍寶豬 經一專欄
食完晏後,診所內多咗幾紮花…圖片:unsplash

終於有返情人節氣氛?

阿姐再拎出幾張紙,再向同事們一人派一張:「嗱,你哋而家俾返錢我先,跟手再拎張單俾返你哋啲男朋友老公」
ABC同事即刻擘大口得個窿,呢個時候女醫生都返嚟了。

情人節 花 醫生 護士 診所職場事 寶豬趣聞 珍寶豬 經一專欄
ABC同事即刻擘大口得個窿,呢個時候女醫生都返嚟了。圖片:電視截圖

阿姐即刻拎住紮花飛奔去女醫生度,再同醫生講返同樣嘅說話。
阿姐完事後好開心咁講咗句:「終於有返啲情人節氣氛啦!你哋記住俾返錢我先呀!」
喂,唔該晒喎!

情人節 花 醫生 護士 診所職場事 寶豬趣聞 珍寶豬 經一專欄
阿姐即刻拎住紮花飛奔去女醫生度,再同醫生講返同樣嘅說話。圖片:電視截圖

相關文章