診所職場事 【寶豬趣聞】好學唔學(上回)|珍寶豬|經一專欄

診所職場事 【寶豬趣聞】好學唔學(上回)|珍寶豬|經一專欄

【診所. 經一專欄】有日,診所內有兩個家庭喺度等睇醫生~父母們都各自各喺度玩電話。

撰文:珍寶豬funnyclinic)|圖片:電視截圖、unsplash

診所內嘅兩個家庭

其中一位小朋友A,佢都一樣手拎住部電話喺度玩。小朋友B見到自己手上咩都冇,開始坐立不安咁款,佢拉拉媽媽衫袖:「媽媽,我都想玩呀」
B媽媽對眼冇離開過部電話:「你問爸爸拎呀,媽媽睇緊嘢呀」

診所 電話 小朋友 醫生 護士 診所職場事 寶豬趣聞 珍寶豬 經一專欄
有日診所內有兩個家庭喺度等睇醫生~父母們都各自各喺度玩電話。圖片:unsplash

小朋友B走去爸爸隔離又問:「爸爸,我可唔可以玩電話呀?」
B爸爸一樣冇望過小朋友:「唔得呀,我打緊機呀」
小朋友B好失落咁坐咗喺爸爸隔離,兩手空空唯有玩手指踢踢腳。

診所 電話 小朋友 醫生 護士 診所職場事 寶豬趣聞 珍寶豬 經一專欄
小朋友B見到自己手上咩都冇,開始坐立不安咁款。圖片:電視截圖

唔借電話俾人玩嘅小朋友

過咗陣,小朋友B忍唔住行去小朋友A度望吓佢玩緊咩。
望咗陣,小朋友B開口問A:「可唔可以俾我玩陣呀?」
A是拒絕的,仲走去匿喺個三角位自己玩。
B行返去同媽媽講:「媽媽,佢唔俾我玩唔俾我睇呀」

診所 電話 小朋友 醫生 護士 診所職場事 寶豬趣聞 珍寶豬 經一專欄
B行返去同媽媽講:「媽媽,佢唔俾我玩唔俾我睇呀」圖片:電視截圖

媽媽對眼繼續冇離開過部電話:「人哋唔同你分享自私精都冇計㗎,咪由得人哋玩多啲變白痴仔囉」
哇,你係咪自摑緊呀?你係咪白痴仔自私精呀?

診所 電話 小朋友 醫生 護士 診所職場事 寶豬趣聞 珍寶豬 經一專欄
B行過去A度指住佢:「白痴仔」圖片:電視截圖

竟然罵小朋友係⋯⋯

B行過去A度指住佢:「白痴仔」
A媽媽聽到之後抬頭望望邊個係白痴仔,當佢發現原來係自己小朋友俾人話,佢即刻企起身喝住小朋友B:「你話邊個呀?」
B天真無邪用手指住A…

診所 電話 小朋友 醫生 護士 診所職場事 寶豬趣聞 珍寶豬 經一專欄
當A媽媽發現原來係自己小朋友俾人話,佢即刻企起身喝住小朋友B。圖片:電視截圖

A媽媽:「邊個教你咁講嘢㗎?你知唔知咩叫禮貌呀?」
B再次天真無邪指住佢自己阿媽…
A媽媽行過去B媽媽前面:「阿太,你個仔話我個仔係白痴仔喎,你平時咁教細路㗎?」
B媽媽專注睇電話冇反應。
下回續。

診所 電話 小朋友 醫生 護士 診所職場事 寶豬趣聞 珍寶豬 經一專欄
B再次天真無邪指住佢自己阿媽…圖片:電視截圖

相關文章