大家樂月餅 (惡搞版)

社會熱話

廣告

之前有超級市場出左個燒味壽司,噱頭已經贏哂!依家距離中秋節仲有兩個月,但已經有食肆爭先推出特色月餅,大家樂(00341)今年就推出意大利咖啡、伊朗開心果同川寧伯爵茶3款奶皇月餅,但小編就覺得未夠突別,突出唔到大家樂既特色!其實可以諗諗同燒味壽司Cross Over,小編仲特別幫佢設計咗幾款大家樂月餅,圖文並茂俾大家睇!

首先係大家樂既招牌飯 一哥焗豬扒飯月餅!話明大家樂出品,點可以無一哥焗豬扒飯?!

之後就到學生最鍾意的肉醬意粉月餅﹗

當然唔少得燒味啦,有叉燒月餅選擇。

仲可以諗埋雙併燒味,任揀叉雞、雞鴨、燒肉雞……,甚至黎個四寶,有雞、鴨、墨魚同咸蛋,不過一個月餅放哂就迫左D,可能要一盒四款燒味。

Order呢啲月餅時,仲可以叫埋依家新推出的意大利咖啡月餅或者川寧伯爵茶月餅,咁咪有野飲,變成一個套餐Set,送禮自用都啱。

大家樂真係可以諗諗啊~話唔定可以吸引到一班敢死隊嚟大挑戰!仲唔大家樂見?!