世界變  地盤保安變筍工

世界變 地盤保安變筍工

建築業上個禮拜宣布加人工,16個工種工人下個月起,平均加薪幅度10.3%,真係恨死隔離。

以前就話工字無出頭,要讀多啲書先有前途。家陣要改寫啦,小編發現,讀多書,其實同收入都未必成正比,睇睇以下就知:

記者

每月人工約10,000元,仲要24小時候命,有時一個奪命Call就要開工。最重要係要求有大學學歷,讀咁多書但人工似乎唔成比例⋯⋯小編都係返去做野啦,費事畀人炒左,到時仲傷心⋯⋯

設計師

唔好以為設計師生活他他條條,其實有苦自己知,以為讀完設計學院就去追尋理想,現實邊有咁順攤。設計師每月人工只有約12,000元,仲要個設計改完又改,改完又改,到個客滿足個時都已經面目全非⋯⋯

洗碗工人

早年網上流傳一張48,000元外判洗碗工,不過好似都係傳聞。而家就有餐廳因為長期請唔到洗碗工而高價招人,20,000元一個月。有老闆仲話會係洗碗房裝冷氣,等啲工人冇咁辛苦,專責洗碗唔洗做其他,又唔洗有咩學歷,算係唔錯啦!

保安經理

保安經理人工有40,000元?唔係講笑架,上個月有90後少女去做保安,公司話升到特種警衞月薪去到高價,真係好過好多工!

地盤工人
根據建造業總工會透露,現在模板技工日薪會由1,750元加到2,050元,後年7月更加至2,500元,混凝土技工日薪則由2,000元加到2,300元。全個月開足工的話,原來月薪有超過6萬元,邊個仲夠膽話工字無出頭?