診所職場事 【寶豬趣聞】荷爾蒙|珍寶豬|經一專欄

診所職場事 【寶豬趣聞】荷爾蒙|珍寶豬|經一專欄

診所職場事. 經一專欄】有日一位先生嚟到診所。佢一行埋嚟登記處就『嘭』一聲咁拍張枱。我確實係嚇一嚇:「請問咩事呀先生?」

撰文:珍寶豬funnyclinic)|圖片:電視截圖、Unsplash

先生嚟診所要我寫啲嘢

佢:「你同我寫啲嘢!」
我拎出文房四寶,唔好意思,我得兩寶紙同筆咋。
我:「嗯?寫啲咩呢?」
佢:「同我寫我喺公司受到上司不公平對待,情緒非常唔穩定,特許放病假一星期,欽此呀,寫英文!」
『欽此』英文係咩呀?唔好意思,係咪『YAM CHI』呀?我讀得書少唔識英文~

診所 荷爾蒙 醫生 珍寶豬 診所職場事 寶豬趣聞 經一專欄
佢:「同我寫我喺公司受到上司不公平對待,情緒非常唔穩定,特許放病假一星期,欽此呀,寫英文!」圖片:Unsplash

荷爾蒙失調 唔可以返工

我:「…你需要病假紙咁我同你登記呀,你見咗醫生先,同醫生講咗你個情況先呀,睇吓醫生認為你係咪需要放病假休息」
佢:「總之我而家荷爾蒙失調咁款啦!我唔可以返工㗎!你照寫啦!寫英文呀」
我:「我寫冇用㗎,要醫生寫先得㗎,你冷靜少少先呀,你俾身分證我登記呀」

佢:「身咩分證呀?你唔識分咩係要即刻做㗎咩」
我就係識分先叫你俾身分證我…

診所 荷爾蒙 醫生 珍寶豬 診所職場事 寶豬趣聞 經一專欄
佢:「總之我而家荷爾蒙失調咁款啦!我唔可以返工㗎!你照寫啦!寫英文呀」圖片:電視截圖
診所 荷爾蒙 醫生 珍寶豬 診所職場事 寶豬趣聞 經一專欄
佢打斷我對白,雙腳不停踏地,頭不停兩邊擰,雙手跟隨膊頭兩邊擺動:「我唔理呀呀呀呀」圖片:電視截圖

荷爾蒙真係唔多穩定

我:「我哋個步驟係先登記後入藥再拎藥俾錢…所以…」
佢打斷我對白,雙腳不停踏地,頭不停兩邊擰,雙手跟隨膊頭兩邊擺動:「我唔理呀呀呀呀」
…你呢個係咩動作呀,我有啲想送客呀醫生。

診所 荷爾蒙 醫生 珍寶豬 診所職場事 寶豬趣聞 經一專欄
佢繼續膊頭兩邊擺動,腳又踏吓又踏吓咁向後退:「呀呀呀,連診所做阿姐都蝦我!」圖片:電視截圖

我:「先生你冷靜少少先呀,點都好我都係需要你嘅身分證登記先,其他嘢就入到醫生房先再同醫生講呀」
佢繼續膊頭兩邊擺動,腳又踏吓又踏吓咁向後退:「呀呀呀,連診所做阿姐都蝦我,真係激死我啦,啊呀啊呀啊」
佢一邊「啊呀啊」,一邊離開診所…嗯,啲荷爾蒙真係好似幾唔穩定~

診所 荷爾蒙 醫生 珍寶豬 診所職場事 寶豬趣聞 經一專欄
佢邊「啊呀啊」邊離開診所…嗯,啲荷爾蒙真係好似幾唔穩定~圖片:電視截圖

相關文章