匯璽3期抵唔抵?分析新鴻基南昌站上蓋項目|Ann姐|經一專欄

匯璽3期抵唔抵?分析新鴻基南昌站上蓋項目|Ann姐|經一專欄

【匯璽・經一專欄】匯璽3期近日收票超額1倍,今集Ann姐睇樓記就會分析匯璽3期抵唔抵!近日在社會運動和外圍經濟轉向的影響下,一手市場略見疲弱,而部分一手屋苑更未能於一天內清貨,可見市場氣氛審慎。作為地產商大哥的新鴻基地產眼見如此情況,仍勇於推出南昌站上蓋項目,而價錢方面更是如官方所說 – 回到2017年的時光倒流價。

撰文:Ann姐 |圖片:新傳媒資料室、匯璽3期樓書

南昌站上蓋項目—匯璽3期

樓盤位置:長沙灣深旺道28號
發展商:新鴻基及港鐵
物業座數:3 座: 第6 , 7, 8座
物業樓層:45 層(第6座): 41層(第7, 8座)
單位總數:1172伙
單位間隔:開放式至4房
實用面積:267’ – 2171’
小學校網:40校網
中學校網:深水埗區
預計落成日期:2020年7月10日

匯璽 匯璽iii Ann姐 地產商 新鴻基地產 港鐵 經一專欄
圖片:Ann姐
匯璽 匯璽iii Ann姐 地產商 新鴻基地產 港鐵 經一專欄
作為地產商大哥的新鴻基地產眼見一手市場疲弱,,仍勇於推出南昌站上蓋項目。圖片:新傳媒資料室

匯璽值得買嗎?

對於當年不能入手的買家來說,飛雲好似來了。那麼,匯璽仍值得買嗎?(以下Ann姐的評分會以5★為滿分)

位置: 4.5★

匯璽3期係新鴻基地產港鐵發展的項目,項目座落於長沙灣深旺道28號,是次推出的3期共分為三座,整個屋苑共有1,172伙,交通來講,主力肯定是西鐵和東涌線。乘客只需要7分鐘左右便到九龍站坐高鐵返大陸,而去IFC都係只需要大約10分鐘。我們在匯璽商場 V Walk等睇樓時,更見場外有中港直通巴士,因此對來往中港兩地工作的住戶的確是相當不錯。如果要出去旺角或深水埗,便可在富昌邨撘坐九巴701或702便可到達 ,可見匯璽附近的交通十分便利。

匯璽 匯璽iii Ann姐 地產商 新鴻基地產 港鐵 經一專欄
匯璽3期係新鴻基地產同港鐵發展的項目,項目座落於長沙灣深旺道28號。圖片:新傳媒資料室

主力推開放式單位

戶型:4.5★

發展商推出第1,2張的價單,均為第7,8座,兩座共有411伙單位,第7座有3部升降機,每層有11個單位;而第8座則有3部升降機,每層有8個單位。從建築圖上望,明顯地見到發展商主力推售的都是一房和開放式單位。(註:如欲買望樓景的單位作出住用途的買家,請注意單位下方有商場食肆排氣喉。)

社區評價:3.75★

匯璽本身有一個新 V Walk大型商場,入面更有嘉禾戲院,生活配套上完完全全自成一角,至於旁邊同時有天橋連接富昌邨之領展商場。除此之外,整體區內的小店稍為欠奉。而網上都有人曾經講過,因為旁邊是公屋,主觀上或會感覺社區住戶質素較參差。

匯璽 匯璽iii Ann姐 地產商 新鴻基地產 港鐵 經一專欄
發展商主力推售的都是一房和開放式單位。圖片:中新社

匯璽3期的間隔評分

間隔:

5★ (是次第8座A – 4房單位):雖然單位座向西南,但除了主人房向西南外,細房,大房,廚房分別望向南北兩邊,境觀十分開揚。儘管會望到西區海底隧道高速公路,但能夠得到永久海景,又可在大節日中睇到維港煙花,真的冇得彈吧!

4.5★ (第7座C, B, F, G, H, J, K, 同第8座 B, F, G的所有1房單位):以上一房單位的廁所均面向房間。不過,房間是以趟門設計,而廁所與房之間則以一個入室櫃分隔,所以,如果住戶要請朋友聚會,住戶只需關閉房間的趟門,便可以保持房間的私隱度。按筆者睇咁多個樓花一房單位的感覺來講,今次完完全全睇得出發展商對呢一房單位設計的心思,實在值得一讚。剩低的0.5分,其中一半只係筆者太貪心,希望樓底可以再高一點,至於另外一半,筆者就決定比買家從睇返單位坐向同景觀去決定,如果夾到就完美無瑕了。

匯璽 匯璽iii Ann姐 地產商 新鴻基地產 港鐵 經一專欄
圖片:Ann姐

4.5★ (是次第8座E, D – 開放房單位) :275呎左右的開放式單位,可以見到用家能夠用盡空間,除咗放張龍床外,仲可以放到書枱同梳化開放式的單位廁所鏡櫃用透明玻璃,增加屋內的空間感。整體上感覺似一個標準酒店房。

4★ (是次第7座D, E – 2房單位):三個字 – 廳夠大,呢點十分重要,因為2房住戶通常係家庭客,會較一房或開放式單位多機會請客,便可容納多一啲朋友。至於細房空間都十分充足,足夠放書枱加衣櫃。當然如此設計,大房的空間難免便要細一點了。另外請注意,7座E室用明廁,廁所旁有一個工作平台,至於7座L室就有2個暗廁。

4★ (是次第8座C – 2房單位):客廳間隔上同前2間2房比冇咁四四方方,細房同一房一樣用內趟門設計。

3.5★ (是次第8座H – 1房單位):注意入屋後左手邊係廁所,開放廚面前有一大坐雲石枱。

今次我哋能夠再一次睇現樓,可以親眼見到新鴻基的交樓質素同誠意,例如企缸留咗約兩吋深度,好讓住戶淋浴時水能夠有足夠時間被排出,水同時唔會容易濺出企缸以外。另外廁留唔少空間比住客放浴室用品,可見發展商對住客生活習慣了解得十分周詳。

匯璽 匯璽iii Ann姐 地產商 新鴻基地產 港鐵 經一專欄
匯璽3期的第8座A – 4房單位,單位座向西南,能夠看到永久海景。圖片:匯璽樓書

折實價由615萬元起

設施:4★

由於是次睇現樓,3期的會所未起好哂,所以我們無法親眼望該會所的設施。根據Agent介紹,屋苑內有以下設施:50米室外泳池、25米兒童泳池、按摩池、桑拿室、蒸氣室、健身室(內有接近60部健身設備)、拳擊擂台、瑜伽天地、包括空中瑜伽設施、3D電影院、卡啦OK、麻雀房、兒童閱讀室、籃球場、

價錢:4★ (以第1,2份價單計)

今次第1,2批單位定價,如果以發展商提供的折扣20%計,是次單位的折實價由約615萬至4,243萬元,呎價由22,199至28,040元。

匯璽 匯璽iii Ann姐 地產商 新鴻基地產 港鐵 經一專欄
如果以發展商提供的折扣20%計,是次單位的折實價由約615萬至4,243萬元。圖片:新傳媒資料室

匯璽3期的總結

要實實在在的說,兩年前的匯璽1期的賣樓時, A組(即大手買家)一口氣清哂所有單位。當中,更有位地產代理曾經在討論版中大吐苦水,說自己就算排在A組中抽到第36籤,仍未能幫客戶入手,辛苦一整天卻慘食白果。時至今日,賣樓氣氛的確係同2年前是有點分別,但大家當然又唔可以忘記!當年香港政府還未針對一約多伙的買家抽額外15%的印花稅,大手買家當年可以以同一印花稅率購入單位,同現在又不同吧!

另外,從 Agent口中得知,整個屋苑做咗一千單租務成交,今個月又做咗百五張,理由係好多專業人仕或ibanker都租咗呢度,租客質素明顯地較高。其中,有一啲租客本身係由中上環舊樓搬過黎呢邊住,筆者估計,有可能係因為租客覺得,佢哋可以同一價錢就可以租到更大,設施更齊全的屋苑,仲好過住舊樓。當然係唔係值得買黎買新樓放租,我哋日後係其他地方再講。

匯璽 匯璽iii Ann姐 地產商 新鴻基地產 港鐵 經一專欄
好多專業人仕或ibanker都租咗匯璽,租客質素明顯地較高。圖片:新傳媒資料室
匯璽 匯璽iii Ann姐 地產商 新鴻基地產 港鐵 經一專欄
圖片:新傳媒資料室

編按:Ann姐是資深置業導師及「裝修大作戰班」講師,「買樓上車防中伏」、「嬴盡日本樓」及「財富十級跳」作者、「經濟一週」樓市專欄作者、TVB 「有樓萬事足」 、 「Ben Sir 睇樓團」、「蝸居宅急變」節目顧問及ViuTV 「買樓狂想曲」 嘉賓主持。

相關文章