政府要收農地起公屋?好過明日大嶼 實際過開拓棕地|1%Anthony|經一專欄

政府要收農地起公屋?好過明日大嶼 實際過開拓棕地|1%Anthony|經一專欄

【公屋・經一專欄】政府轉招起公屋?筆者同朋友傾偈,講開政府要收農地嚟起公屋,此舉會釋放幾百幾公頃土地,到底對樓價有咩影響?

撰文:1%Anthony|圖片:Unsplash、新傳媒資料室

政府轉招 收農地起公屋

朋友: 政府轉招喎,話要收番農地大量起公屋
筆者: 啱嘅,反正五大訴求是不可能的任務,轉吓章都好。
朋友: 就算真係做到三年上樓,都平熄唔到民憤架喎。
筆者: 好過乜都唔做丫,攞得幾分得幾分嘛,哈哈!
朋友: 釋放幾百幾公頃土地,對樓價有咩影響呢?
筆者: 啱啱開始講之嘛,真係做到先算啦。
朋友: 如果真係做到呢?
筆者: 我覺得對樓市影響都唔大…
朋友: 話唔埋,可能做就更多發達機會…

公屋 農地 房委會 土地儲備 樓市 樓價 1%Anthony 經一專欄
現任房委會資助房屋小組主席黃遠輝表示,大型發展商擁有超過1,000公頃的新界農地,幾乎等同於明日大嶼最初的發展計劃1,100公頃土地。圖片:Unsplash

收農地建公屋是好事!

收回農地建公屋,絕對是好事!據報導,現任房委會資助房屋小組主席黃遠輝表示,大型發展商擁有超過1,000公頃的新界農地,幾乎等同於明日大嶼最初的發展計劃1,100公頃土地,就算只釋放到一半,已經有500公頃,是一個驚人的數字。有多大呢?資料顯示,日出康城地盤總面積有32.68公頃,即是有十幾個日出康城咁大!日出康城有50座高樓大廈,合共提供超過25,500個住宅單位,十幾倍即是有30幾萬個單位,超過現時公屋輪候冊的總申請!係咪勁先?

公屋 農地 房委會 土地儲備 樓市 樓價 1%Anthony 經一專欄
明日大嶼是一個龐大的填海工程,又要諮詢,又要撥款,工程複雜更唔在講。圖片:Unsplash

明日大嶼更正,唔需要填海!明日大嶼是一個龐大的填海工程,又要諮詢,又要撥款,工程複雜更唔在講,大吉利是講句,都唔知有冇咁長命,睇到佢完成。新界農地唔同,已經在發展商手中,只要有決心收回土地就搞掂!當然發展商亦唔會咁順攤,話收就收咩?肯定會有好多司法覆核、拗價等情況出現,難度最高的是…如果補償金額低,市民當然開心,但發展商肯定唔滿意,有排拗!如果補償金額高,發展商滿意,市民又會話你官商勾結,利益輸送!所以要及早諮詢,定下一個公開、公正、透明的機制,以快打慢,

公屋 農地 房委會 土地儲備 樓市 樓價 1%Anthony 經一專欄
新界農地唔同,已經在發展商手中,只要有決心收回土地就搞掂!圖片:Unsplash

試咗先講。比開拓棕地,更實際!棕地發展其實非常困難,一來很多涉及私人業權,不過透過收地條例應該可以拆解,最麻煩是好多時都係東一幅、西一幅,難以合併發展,難以剪裁,想起個大少少嘅屋苑都未必得。相反新界農地唔同啦,當日發展商買入土地的時候,應該已經計過度過,應該是可塑性高的土地才會買下來。

公屋 農地 房委會 土地儲備 樓市 樓價 1%Anthony 經一專欄
棕地發展其實非常困難,一來很多涉及私人業權,不過透過收地條例應該可以拆解,最麻煩是好多時都係東一幅、西一幅,難以合併發展。圖片:Unsplash

建公屋會衝擊樓市?

對樓市會否做成很大衝擊?好大影響又未必會有。首先,還有漫長的等待!現在只是提出,還要等諮詢、落實,然後還要真真正正行動,面對司法覆核,然後還要將農地變做熟地,還要規劃起樓,講吓都十年八載先見到成效,到時手上的單位都已經換了幾轉,只要睇住政策的進度,再見招拆招就可以了,如果收地好順利,就減吓磅囉。

再者,公屋與私樓是兩個不同的市場。身邊很多朋友都全心全意等公屋居屋,絕大部份都冇諗過買私樓。當然不排除輪候冊上廿多萬個申請者,有好多是有理冇理排咗先,例如身邊有朋友,一到18歲,都唔理自己有冇真正需要,工作幾年後會唔會有能力買私樓,有理冇理都排咗先,這種情況確實會影響他們買私樓的決定,不過數量應該不多。

說不定,這個政策可以創造更多創富機會。如果興建的公屋之中,居屋、綠置居的比例多,市民就有更多機會可以買到自己的物業。然後到物業升值了,或供到七七八八,就可以選擇賣出去,套取一筆可觀的資金,然後就可以換私樓,或者變出更多的資產。很多人其實知道買樓投資可以致富,只是唔夠首期又或者過唔到壓力測試,居屋綠置居就可以幫他們突破,事實上居二市場的造價亦很瘋,有些賺幅可能比私樓更高。當每個人都可以買到自己的物業,都可以賺到財富,就會更加愛惜香港,唔會隨隨便便就話攬炒了。