【心理測驗】你適合買邊類股?

社會熱話

廣告

5-6分 公用股

攞得咁低分,睇你都係「羊太」的朋友,唔多睇新聞,冇乜投資雄心,蝕少少錢都會入肉。咁的情況下,公用股最適合你。

因為公用股抗逆力度比較強,公司大多數係經營公用事業同生活必需品既行業,例如水、電、交通、食品、醫藥等,行業一般受政府保護,所以就算經濟條件惡化時,公用股既跌幅往往最小。

而且公用股息率高,收益穩定,適合長期投資,岩哂「羊生羊太」。

7-8分 ETF

攞呢個分數都係屬於穩陣派,但就肯冒高少少風險。咁交易所買賣基金(ETF)就最合適不過。

ETF最常見的係盈富基金(02800)或安碩A50中國(02823),呢類基金跟蹤指數升跌,係會有波動,但因為指數係由一籃子證券組成,都可以分散風險。而且基金多數都有息派,大市升時,就可以做到升息俱備啦。

9-10分 藍籌股

買得藍籌股,梗係想穩陣啦,但要知道,單一公司始終都有一定風險,升起上黎可以升好多,跌起上落亦可以跌到阿媽都唔認得。

就好似利豐(00494)咁,由40幾蚊跌到得返幾蚊。中信股份(00267)前身的中信泰富,一個炒燶外匯的消息,亦可以令佢地股價跌進谷底。

不過香港好多藍籌股派息都唔錯,就算股價跌,都仲可以收息幫補下,而且好多藍籌質素都唔錯,就算坐艇,長線總有機會浮上水面。所以有風險得黎都算穩陣。

11-12分 中資國企股

去到呢個分數的人,都幾想係股市想賺大錢,但可以冒險程度又未算最高,咁最好都係買中資國企股。

中資國企股成日炒概念,升起上黎真係可以倍計,但亦可以轉個頭跌七成,都真係幾刺激。亦因為內地國企關係,有中央政府照住,又未至於會執笠,對比細價股,都仲有少少渣拿,風險只係屬中高。

13-15分 細價股、牛熊窩輪

呢個分鐘的人,真係靠炒股為生,真係日日睇住個市好唔得閒。每次出手起碼都要有三成以上斬獲,賺少少就唔吼。所以細價股最適合佢地,甚至乎可以玩牛熊證、窩輪。

好多細價股都冇乜質素可言,業績蝕錢又成日玩財技,但因為銀碼細,可以買好多手,在股份數量大之下,賺幾個價位都有不俗的回報,而且成日貨乾,股價炒上容易,升起上黎亦可以數以十倍計。當然,回報高風險高,跌起上黎亦唔係人咁品,仲有停牌、清盤風險。

窩輪及牛熊證屬槓桿產品,雖然可以刀仔鋸大樹,一個下午就可以賺幾成甚至一倍回報,但會有血本無歸風險。自問輸清光仲可以好灑脫咁繼續過活的話,咁就可以玩牛熊證及窩輪啦。