生日優惠 珍寶豬

診所職場事【寶豬趣聞】優惠|珍寶豬

職場

廣告

有日一位小姐嚟到診所,佢行埋嚟登記處:「唔該我要睇醫生!」

我:「係咪未睇過?麻煩你俾身分證明文件我登記呀!」

撰文:珍寶豬funnyclinic)|圖片:電視截圖

睇醫生想要生日優惠?

佢:「未呀,身分證呀?」
我:「係呀!」
佢邊拎身分證出嚟邊講:「睇個醫生都要登記?驚死我係通緝犯咩!」
咁醫院入面嗰啲肯定個個都係通緝犯啦~啊!喺老人科嗰班一定係大賊嚟!
我冇出聲,拎咗身分證就登記。
登登吓記,佢講:「我今個月生日呀!」
嗯,祝你生日快樂,我冇出聲繼續登記。
佢又再講:「生日有冇優惠呀?」
睇醫生都嚟要生日優惠咁得意?我恭唔恭喜你年年有今日咁賤格好呀?
我:「我哋冇做呢啲優惠,得長者有優惠!」

佢:「生日都冇?」
我:「冇呀!」
佢:「食BUFFET都有啦,又會你冇嘅」
診所食藥BUFFET呀~食瓜你都仲得呀~痴鬼線啊你~
我:「我哋診所嚟嘛…生日應該係去啲開心嘅地方慶祝嘅,做折有優惠嘅地方都係想生日嘅人去嗰慶祝吸生意,我哋診所唔會啦!」
佢:「嘖,唔俾優惠人仲咁多藉口,生日快樂都講句都得啫,再唔係行啲嘅送個BIG SMILE嚟都得,生日咩表示都冇好冇人性!」
我都唔知仲有咩可以講啦,醫生你一陣同呢位小姐診症時,不如幫我搭單講句『年年有今日』啦。
始終我呢啲做細嘅唔係好方便講,醫生你係老闆你最大,你同佢講的話,佢應該加倍開心。