林鄭月娥新招令樓市翻生 中價樓隨時炒上｜1%Anthony

撰文：1%Anthony｜ 圖片：中新社圖片

記者：今次施政報告你俾幾多分？
筆者：整體評分有點難，不如分開兩個部份講…
記者：邊兩部份呢？
筆者：公營房屋部份，我俾80分，真係幫到有需要嘅人！
記者：另一部份呢？
筆者：私樓部份，我俾60分，熾熱樓市會火上加油！

首先講公營房屋部份

如果真係做得到，的確可以大量增加公營房屋供應，係大量！長遠來說，未上樓的，而家要等5年，將來有機會縮短輪候年期。已上樓的，將會有更多機會可以買資助房屋，擁有自己的資產。

土地供應 大刀闊斧

政府預計未來5年將收回超過400公頃土地，全數會用作興建公營房屋，業內人士估計，可以興建接近30萬個4、500呎的單位，幾乎是公屋輪候策的總數，另外中長期還有300公傾土地，還有發展商捐出農地，粉嶺高爾夫球場部份土地及其他可發展用地等，數量相當驚人。當然會面對很多司法覆核，但最少敢做。至於中短期供應，包括3年內提供超過1萬個過渡性房屋，及預售逾1.2萬個興建中的居屋及綠置居單位等，數量也不少。

私樓市場 火上加油

施政報告其中一個最矚目的部份，就是放寬按揭保險上限，而且提高幅度比預期大得多，9成按揭的樓價上限，由400萬大幅提升至800萬，8成按揭的樓價上限，由600萬大幅提升至1000萬。對於未買樓的朋友來說，都唔知係好事定壞事。

好的是…由於樓價上限大幅提升，選擇多咗好多。如果想買一些比較優質的單位，例如700萬的單位，以往首期最少都要4成，即是280萬，現在只需要70萬就買到，容易買好多！

好多網友都會話…唔使供咩？

事實上供樓真係會供多好多，買的樓貴咗嘛，之前買500萬樓，借8成按揭，即是借400萬，而家買700萬樓，借9成按揭，即是借630萬，就咁睇都知道要供多超過5成啦！不過又唔使咁驚，只要計數計得準啲，頭幾年預多少少備用資金，例如每個月預鬆1萬，預留4年，即是約50萬備用資金，就可以抵銷這個風險。3年後萬一有乜冬瓜豆腐，例如公司裁員等，最多賣大屋換細屋。

最多人問的是…對樓市有甚麼影響？

新政策肯定會刺激銷情！連續幾個月不斷的社運動，原本樓市正在處於下調、尋底階段，政策一出，不少二手業主即時封盤反價，一手發展商亦重新部署，幸好筆者的學員、朋友之前已經準備好，加按、套現、甩名等等，好幾位學員趕及在施政報告公佈當日，業主及發展商尚未反價之時就買到心水筍盤。

可以預期，原本尋底的樓市，將會很快見底。

如果社會運動平靜下來，下次的升浪，將會幅度更大，更全面，不止細價樓，相信就連中價樓都會炒上，至於甚麼類型、甚麼樓齡、甚麼地區、甚麼樓價…的物業最值得投資，講座活動再分享。