大陸財經字母歌 ABEHNQS代表乜?

社會熱話

廣告

唔知係咪用英文真係高人一等,內地真係好多嘢都用英文。就講大陸股市,除咗有分A、B股,仲有H股、N股及S股。

唔止咁,尋日大家啱啱消化完奇葩新三板(http://www.edigest.hk/Vip/detail?id=2136),其實仲有好多英文代號,最近就整左個「新四版」,又叫N板,其實大陸仲有Q板同E板,就快26個英文字母都唔夠用。夠竟大家又知唔知係乜?

上海股權托管交易中心(下稱上海股交所)一向有Q板(中小企業股權報價系統)同E板(非上市股份有限公司股份轉讓系統)兩大板。2015年5更加推出埋N板,話要為全國企業提供更好服務咁話。

E板

真名:非上市股份有限公司股份轉讓系統
簡稱:轉讓板、E板(Exchange)

編號:1A開頭/100開頭
功能:掛牌公司可通過系統進行線上報價、線上交易、線上融資等。
地域要求:未設地域限制,目前,上海股交所掛牌公司地域分布,七成為上海企業,其餘為北京、江蘇等地。
信息披露要求:掛牌公司必須嚴格按照上海股交所嘅要求披露定期報告、臨時報告等。

公司掛牌要求:
1-業務基本獨立,具有持續經營能力;
2-不存在明顯的同業競爭、不公平的關聯交易、大股東侵佔資產等損害投資者利益的行為;
3-在經營同管理上具備風險控制能力;
4-治理結構健全,運作規範;
5-股份的發行、轉讓合法合規;

6-註冊資本中存在非貨幣出資的,應設立滿一個會計年度;
7-上海股交所要求的其他條件。

【問題時間】
問:掛牌之後會唔會影響上市(IPO)?
答:上海股交所E板掛牌之後唔會影響上市,如果公司喺主板、創業板或境外上市,上海股交所將自動終止公司掛牌。

Q板

真名:中小企業股權報價系統
簡稱:簡稱報價板、Q板(Quotation)
編號:2開頭
功能:掛牌公司可通過系統進行線上報價,但交易、融資均在線下完成。
地域要求:未設地域限制
信息披露要求:自由信息披露。
公司掛牌要求:可以話冇要求,只要公司冇觸犯以下五個條件即可

五個否定
1、無固定辦公場所
2、無滿足運作的人員
3、被吊銷執照或其他執業證照
4、有重大違法違規行為或被予以嚴重處罰
5、董事、監事及高級管理人員存在違反法律要求的情形

【問題時間】
問:望落好似咩公司都掛得牌,咁Q板有咩好上呀?
答:最直接好處就係Q板轉上E板係易過直接上E板,另外就梗係信心問題。你知喇,中國的會爆炸,但話晒都經上海股交所檢查,就算真係爆炸都冇咁傷掛(好似係)。

N板

又名:新四板、科創板
細分為:「N板轉讓系統」及「N板報價系統」
功能:服務「四新」,即新技術、新產業、新業態、新模式,以及科技型企業

地域要求:第一批為上海浦東,之後擴展到上海,然後就係全中國

公司掛牌要求:一定要有突出科技、創新要素
***N板轉讓系統掛牌企業必須為股份公司
***N板報價系統企業必須為有限公司
1-成長初期嘅小企業,已完成產品研發並開始小規模生產
2- 具備一定嘅生產能力同盈利,擁有一定嘅市場佔有率
3-上市後備企業,未來兩三年即可符合上市條件

【問題時間】
問:等等先,咁N板其實同Q板、E板有咩分別先?
答:嗱,N板公司嘅成熟度係可以低於E板,上海股交所對N板公司要求都冇E板咁嚴格,但信息披露就同E板要求一致。不過,N板報價系統嘅公司要求就比Q板高,要進行審查,信息披露嘅要求都高過Q板。

問:Q板同E板已經夠多喇,做咩仲要整多個N板出嚟?
答:講到尾,都係上海做返個好學乖寶寶啫。中國人素來都係一個勇於學習、天天進步優良民族,眼見北京的新三板紅到突破天際,於是就馬上向佢學習。抄考對方系統,加以改善。乖寶寶唔可以淨係成績好,仲要聽話。國家之前就對對上海喺金融服務同科技創新方面提出新的要求,就係咁,新四板就出世喇。

字母股知多啲

A股

即人民幣普通股,是由中國境内公司發行、供境内機構、组織或個人以人民幣認購和交易的股票市場。簡單黎講,以前只係畀國內人買。但由2013年4月1日起,境内、港、澳、台居民可開立A股賬户,其他國家的人則可以透過其他渠道,如「滬股通」投資A股。

B股

是人民幣特種股票。是在中國註冊,中國上市的股票,以人民幣標示面值,但以外幣認購及買賣,簡單來說,B股是針對外國人的股票市場。

H股

在中國內地註冊成立的企業,但在香港上市。由於這些公司主要持股人是中國政府及地方政府,所以亦稱為國企股。

N股

類似H股,但上市地是在美國紐約。

S股

在新加坡註冊及上市的股票,但核心業務的生產及經營卻在大陸。