今日開始會一心一意支持林鄭 只有她真正明白天水圍人心情

今日開始會一心一意支持林鄭 只有她真正明白天水圍人心情

【絕望真相】-《今日開始只會一心一意支持林鄭》

之前即是不算薯粉,行仔也較偏向薯片叔叔做特首,相信他的溫和及中間路線能為香港帶來一片新天地,但過左呢個周末,我正式宣佈,只會全力支持林鄭。

因為只有她,才真正明白天水圍人的心情,新界西離市區的距離是何等讓人無奈,每個打工仔早上也活在內心的鬥爭,「to返or not to 返, that is the question」,但今天她勇敢地代表了所有西人,向整個社會發出一份無人願意宣洩的控訴,身體力行地回答這個問題,直接答一句「好遠好攰我唔黎呀!」

完美。

自從宣布參選以後,每天也有人笑她離地—不懂買紙巾、搭地鐵,塞伍舊水俾乞衣,但過左呢個周末,各位應該發現她才是最貼地的候選人,因為只有她會如普羅大眾般,會因為「有啲攰」同「有啲遠」而爽約,這個行為,直接啲黎講,即係射波,試問「誰都射過波,那個沒有?」此舉實屬緊貼民情,每天從大西北到港島上班下班的西人,有誰不是覺得有啲攰有啲遠?

而她的坦白,在現今這個虛偽的政壇,簡直難能可貴,仿如清泉,不會轉彎抹角,一洗先前於政改方案、全民退保、興建故宮博物館語言偽術的形象,唔想黎就話唔黎,你有看到以誠信見稱的胡官如此直率嗎?

再想深一層,其實她根本不是上班,而是見工。連見工也call sick,難道那不正正切合近年批評年輕人約了見工也甩底之說?人人說曾俊華成功和年輕香港人connect,但其實林太才確確實實明白時下青少年的想法,更用身體誠實的呼應著,做到真正的「團結」,她還已經提早通知那些團體,你地仲想點?

在曾俊華的宣傳片段中,他競選辦的年輕同事說他八點便會回到辦公室工作,究竟有邊個會晨咁早八點,公司一個人都無就返到office?

無錯,你老闆!可見曾俊華雖提出「always agree with your boss」,但同時為香港如斯勞心勞力,其實早已視香港為自身家業,像自己生意般著緊,每天連走幾區在所不辭,在香港緊張的勞資關係中,他只會更貼近那些罵你遲到的老闆門,根本不理解平民百姓返九點但九點三先想坐返埋位做野既心情,試問幾百萬位打工仔又如何「信任」你?

最後最重要的,是薯片叔叔只係用左33分鐘就入到黎天水圍,即係應該係坐私家車,但為何林太就連33分鐘都覺得耐?實情應該係佢根本唔打算揸車而係搭巴士或者西鐵入黎,希望親身體驗民情,簡直係貼地的典範,你我還有不支持她的理由嗎?

但唯獨有一點值得憂慮,林太連地鐵都唔識搭,究竟佢識唔識搭輕鐵呢?定其實佢唔知香港有輕鐡呢……識唔識分輕鐵同電車呢….

延伸閱讀:絕望真相 究竟身為輕鐵有咩意義?

文章授權:逆行@電話汁撈飯