【診所職場事|寶豬趣聞】罵姑娘篤背脊嘅先生|珍寶豬

【診所職場事|寶豬趣聞】罵姑娘篤背脊嘅先生|珍寶豬

有日一位姨姨嚟到診所。
佢行埋嚟登記處,佢講嘢講得唔太正:「姑娘,我想登記,同我個女登記」

我:「好呀,你有冇拎佢嘅證件嚟呀?」
佢:「哎呀,一時唔記得拎,可唔可以一陣拎過嚟呀」

撰文:珍寶豬funnyclinic)|圖片:電視截圖

先生罵姑娘同醫生

我:「冇問題呀,佢嚟到嗰時先再登記啦,你而家同佢過嚟都得啦」
佢:「我個女叫XXX」
坐喺度等睇醫生嘅兩位後生仔喺度大笑。
後生仔A:「你聽唔聽到,佢個女叫XXX喎」
後生仔B:「聽到呀,講嘢講唔正就整啞自己算啦嘛」
後生仔A拎部電話出嚟:「唔得,真係好好笑呀,我要擺上網」
我見佢似乎要影相定拍片,我:「先生,診所地方唔可以影相或者拍片」
後生仔A:「我想影低佢(指姨姨)有幾好笑呀,喂,講多次你個女叫咩名呀?」

我:「我唔覺得咁樣係好笑,我反而覺得你哋好好笑咋」
後生仔B同A講:「唔好玩啦唔好笑啦,個姑娘嬲啦」
後生仔A:「佢嬲怕咩啫,做得出啲咩呀一個姑娘,唔通踢我哋出去咩,怕佢呀?諗吓今晚去邊個場好啦」
我同姨姨講:「你轉頭帶你個女過嚟啦」
姨姨離開後,醫生問我點解頭先出面咁嘈,我講返有件咁嘅事俾醫生知。
後生仔A入去睇醫生先,好快佢就出返嚟。
佢同後生仔B講:「走啦,仲坐喺度呀?個八婆肯定篤背脊嚟呀!入面個死老坑唔開假紙呀!」
我冇篤背脊呀,醫生問到我如實講咋嘛。

先生 罵姑娘 醫生
圖片:電視截圖

延伸閱讀:唔想畀錢睇醫生嘅小姐|珍寶豬