排公屋 人生勝利組 年青人 為上樓 炒散 放棄事業 1%Anthony

排到公屋是人生勝利組?年青人為上樓炒散、放棄事業|1%Anthony

樓市

廣告

今時今日,講福利,老爸態度是咁的…

某日,飲茶,吹水,講林鄭最近的十大紓困措施
老爸: 長者津貼資產限額提高到50萬喎。
茶客: 我供緊間居屋,唔知得唔得呢?
老爸: 我問過啦,如果自己住就得。
茶客: 咁我都合資格喎,申唔申請好呢?
老爸: 梗係攞啦,你唔攞,咪俾啲新移民攞晒!

撰文:1%Anthony| 圖片:中新社、新傳媒資料室

記得筆者讀小學的時候,老爸的態度是咁的…
某日,飲茶,吹水,講公屋與綜援…
親戚: 其實你哋都夠資格申請公屋同綜援丫。
老爸: 唔要,有手有腳,使乜靠政府呀?
親戚: 唔使租樓租得咁辛苦嘛。
老爸: 我仲捱到,留番俾啲真正有需要嘅人啦!

新移民的另類財務自由法

福利眼紅症,席捲全港!兒時,老爸教我有手有腳,唔好靠政府!今日,老爸180度轉身,攞得就攞唔好嘥!

點解會有咁大轉變?因為受到福利眼紅症細毒感染,這種病毒的感染力非常驚人,一傳十,十傳百,大部份香港人都有同樣的徵狀,這種徵狀甚至已經開始變種,由單純的眼紅,變到仇恨,今次的反修例風波,中港矛盾衝突大爆發,也是甚中一個原因。

試想想,自己努力工作,打算唔靠政府,勉強有飯吃有屋住…誰知,看見每日有150人從大陸領取單程證來港,政客、議員,不斷為新移民奔跑,司法覆核,爭取福利,見到不少新移民,唔使捱唔使做,不但有飯吃有屋住,生活還要比你好,簡直就是另類的財務自由方法!有乜辦法唔頂住條氣呢?當然不是每個新移民目標都是來香港爭取福利,但確實也有不少個案存在,再加上香港部份傳媒報憂不報喜的強大威力,很快新移民就被標籤了。

延伸閱讀:關愛基金資助基層家庭免費換數碼電視機 申請資格、安裝詳情一覽

延伸閱讀:長者「2元乘車優惠」60歲至64歲都用得!政府落實放寬長者優惠措施

年青人以排到公屋為豪

這種想法亦已經蔓延至下一代!連老人家都轉軚,年青的一代,想法就更為激進,基本上子女年滿18歲,就會幫他們申請公屋,雖然時間是會長啲,大約30多歲才有機會排到,但不少人心目中,只要排到公屋,就是人生勝利組,從此就可以幸福快樂地生活。

部份人當然雙線並行,排公屋的同時亦努力工作,公屋只係作為人生的後備。最可悲不少年青人,將公屋綜援視為人生的終極目標,為了成功爭取社會福利,甚至放棄自己的事業,炒散(打散工)並控制自己的收入不超出入息限額,犠牲了自己的青春。

很多人都嘗試諗方法…有人建議不如減每日單程證名額,由每天150人減到75日,林鄭即時回應並否決。坦白說,人數減咗係咪真係有咁大幫助,很多時候中港矛盾,主要是因為看見有很多個案,爭取好多政府援助,因而引發的,而自己又冇!所以重點應該是,不要讓新移民即時就可以拿到政府福利,例如要住滿七年。不過當年因為有政客幫助,打贏了官司,相信今日要再挑戰就更困難了。

年青人 排公屋
圖片:unsplash