Google Trends 可以預視股災?!!

Google Trends 可以預視股災?!!

互聯網真係無所不能,依家好多人一遇到有疑難雜症,事無大小,包括日常生活事、感情事、錢銀煩惱、法律問題……都會問facebook大神或高登大神,咁大家就好快有答案。

但大家可能唔知,無所不能的Google,竟然可以預測股災出現?

英國華威大學商學院2014年發現,利用Google Trends(http://www.google.com.hk/trends/) 可以預測股災出現。原理是Google Trends收集了世界各地網民的搜尋字眼的頻密度,當商業或政治搜索的關鍵詞次數愈多,就愈反映佢地擔心國家經濟前景,從而出現拋售股票現象。

最近有網民就將呢套學說發揚光大,試試用Google Trends翻睇近十年數據,睇吓預測股災的機會有機高。又好似有啲準咁喎,大家點睇?


*藍線為搜尋「股災」走勢;紅線為「買股票」走勢

先在Google Trends搜尋「股災」、「買股票」睇下自2004年來有咩事發生?

2008年發生金融海嘯,當年於Google出現「股災」次數的高峰位,與「買股票」近乎一樣。之後到2011年歐債危機,兩者高峰位與2008年相若;去年A股股災時,「股災」與「買股票」同樣達到高峰位,次數更高於2008年及2011年水平。

睇返恒生指數走勢圖,就會發現2008年正係金融海嘯發生,2011年就係歐洲危機,舊年大家都知咩事,就係A股泡沫瀑破發生股災,三個時段港股都有好深跌幅。睇黎Google Trends的結果與現實世界都有幾分相似。

其實諗深層,股災發生之前,實會係全城熱炒股票架,所以兩者一齊急升,所以「股災」當然伴隨住「買股票」啦,唔買股票點會有股災呀?


*藍線為搜尋「股災」走勢;紅線為「跳樓」走勢;黃線為「破產」走勢

再來一張圖表!!! 睇下「股災」、「跳樓」和「破產」的數字,咁岩又係2008年年尾出現一個共同的高峰位,除了2010年特別多人搜尋跳樓外,其後的一個共同新高位就是出現於今年,所有數據都破新高。

當然,呢D唔係技術分析圖,無突破位,又無「黃金交叉」、「死亡交叉」,只得「成交量」,即是搜尋趨勢。

不過,有學者話呢種研究方法是有根據的,在特定時間內,找出某事件出現次數,總結其現象,是叫作「量化研究」(quatitative research),而量化研究能根據某事件出現的頻率,再試找出其規律,這就是「自下而上」(bottom-up approach)的歸納方法。

至於預測下一個股災會何時來臨,小編不敢估計,不過見到圖表最後的一個位置,三個字眼「股災」、「跳樓」和「破產」止跌回升,唔通又係新股災的先兆??!

編者2016年1月20日更新:恒生指數自年初至今,已累跌逾2,800點,同Google Trends再一次吻合!