園境師有價有市 起薪點19,000元

園境師有價有市 起薪點19,000元

做園境師你以為係「花王」負責打理花園的花草樹木?咁你就大錯特錯喇!園境師其實有好高的待遇,一直都被政府視為專業職系,起薪點仲好高,可算係另類的筍工!

園境師工作範疇主要是設計室外的園境,例如公園、公共空間、商業大廈及樓盤附近的綠化設施等,並唔係只係剪下花,種下樹咁簡單。依家多左人重視社區的綠化,而全港持牌的園境師只有170人,需求非常大,所以做園境師絕對有價有市。

撰文:CM LO
圖:網上圖片

據香港園境師學會副會長盧順昌表示,單計政府持牌園境師薪酬,可由總薪級表第30點起跳,約月薪56,755元起,至於剛畢業任職實習生都有至少月薪19,000元;若在私人公司如顧問公司、地產發展商等,畢業生起薪點約20,000元,持牌園境師至少月薪40,000元起跳。

要入行當然都要有相關學歷啦,依家香港只有兩間院校開辦園境師建築課程,分別係香港大學及高等教育科技學院(THEi),但整體收生人數唔多,每年都會供不應求。

要做園境師,唔係讀完書就得架,仲要累積工作經驗先可準備考牌。盧順昌表示,考牌一D都唔容易,首先要取得一年副會員資格,先可以準備專業會員(註冊園境師)的考核,條件係要有相關的學位或以上學歷,以及至少要有2年相關工作經驗。而正式考專業會員資格,費用每次約2,000元,形式會有筆試及面試,而每年都需要繳交約1,350元的續會費,同時園境師需每年報讀持續進修課程,個牌先可以持續生效。

相關文章