移民台灣  創業移民唔駛百萬元

移民台灣 創業移民唔駛百萬元

香港生活樣樣貴,樓價貴、車費貴,連食餐飯都愈來愈貴,打工仔晚晚搶平機票,希望暫時逃離壓迫嘅生活,更有唔少香港人都有移民的想法,特別係80、90後。鄰近嘅台灣,好多港人都去過旅行,當地亦有令人愛上嘅自然景色、生活節奏。雖然早年嘅存款移民已經取消咗,不過要移民台灣仲有2個方法:投資移民及創業移民。

600萬台幣投資移民

移民台灣,可以選擇投資移民,喺台灣開立公司,創立資金額600萬台幣以上,折合145萬港幣,就可以攞到居留證。只要喺攞到居留證後1年內離開台灣嘅時間少於30日,或連續2年內每年在台住滿270日,就可以申請定局證,之後再設籍就可以正式成為台灣人。有移民專家建議,直接去台灣揾當地會計師比起喺香港揾移民服務公司更化算,因為投資移民需撰寫投資計劃書,交畀台灣經濟部投資審議委員會。台灣會計師可撰寫適合你及當地的投資計劃,投資移民公司成立後,更可以幫你處理記帳、報稅等事宜。

創業移民 最低50萬台幣

創業移民是另一個移民台灣的方法,需要的資產相對投資移民少,主要對象係想長期做生意的港澳人。開立公司的創業基金最低要求50萬台幣,折合約12萬港元,即時就可以攞到創業家簽證,之後每年要通過營業額、費用、聘用當地員工數量等數字上的核查。公司營運滿5年,當中每年居住滿183日,就可以入籍台灣。以個人身份申請創業移民,除咗基本具備高中或以上學歷,亦要符合以下5項條件其中一項:

近年港人移民台灣的數字大幅上升,不過有好有唔好,台灣樓價近年被炒高,台北嘅樓價6年間升近一倍,1500平方呎嘅單位要超過650萬港幣。而且如果去台灣打工,多數要相對減酬,台灣的酬金水平一直被批評太低,難置業嘅問題同樣存在。