5大開支諗諗計 一定有錢剩 月入$20,000好好洗

理財

廣告

返工返咗幾年,月入2萬都算係比上不足、比下有餘。早前有個網上熱話,月入4萬4,都唔夠洗,但係其實識洗,月入2萬都可以好好洗。

圖片來源:Thinkstock、本刊資料室

買車不買車?

月入2萬就真係唔好諗住買車,因為香港養車真係好貴,停車場月租貴、商場時租貴、油價加快減慢又貴、供車每月幾千最貴,分分鐘一個月要用1萬元養車,所以月入無3萬以上真係唔好買車。

 

Driving a car in sunny day - focus on steering weel

家用畀幾多?

家用係分擔家庭開支,而每個家庭嘅情況都唔同,可能屋企環境本身比較富裕,父母寧願你留返啲錢自己食好啲,咁家用可能就係象徵式畀1千幾百;又或者屋企需要多一份錢去支撐,以月入2萬嚟計,畀人工嘅3成,$6000,都係合理嘅水平。

Plant Growing In Savings Coins -

食住家飯定出街食飯?

閒日如果屋企有煮飯,梗係食住家飯啦,出街食飯又多味精又貴又可能要排隊,喺屋企食仲有愛心靚湯飲,你要識揀呢!如果可以煮多少少飯,第二日可以帶飯返工,有時返工嗰一個鐘食飯時間,自己一個反而更輕鬆!而因為平日主要食住家飯同帶飯,星期六可以放縱啲,拍吓拖出街食飯睇戲一日洗$865,至於星期日就留喺屋企休息吓。

 

同朋友啤啤佢

出街飲酒一晚最少洗$500,其實可以善用happy hour優惠,百幾元都可以同朋友玩得好開心。或者約到友人嘅屋企聚會,自己買酒去,比起去酒吧飲,最少慳一半,仲可以飲到斷晒片都唔怕有危險。

開心又買唔開心又買?

女人開心,買鞋;唔開心,又買鞋,其實唔少男士都有買鞋癮,特別係追捧$2,000一對嘅波鞋,但除咗靚同想買之後,就無必要買呢對鞋嘅理由。控制自己嘅購物慾,無即時需要嘅物品可以等佢減價先買、問清楚自己真係好想好想要先買,咁樣每個月分分鐘可以慳到幾千元!

 

12345

咁樣用錢嘅習慣,月入2萬都仲有錢淨呀!