撐小店!觀塘洗衣檔前老餅陣 懷舊馬仔LAST CALL

社會熱話

廣告

五時的黃昏,瑞和街露天街巿,破舊的洗衣店門前,竟然在賣傳統中式餅食,陽光斜照在排得井然的 馬仔 、花占餅、水泡餅、雞仔餅,金光閃閃。檔前站著老闆黃文金,正跟一位年邁九十的老伯伯說話。「咩話?咩老人院話?」伯伯撞聾,他要提高聲線問。「康呀,老人院呀!」伯伯廣東話夾著鄉下話,旁邊幾位街坊加入對話。「死囉,蕩失路唔識返老人院呀。」黃文金撐著腰在苦惱。生客未必知道,這間街坊聚腳的洗衣店,在賣古法 馬仔 !

撰文:April 攝影:Hai(原文:新假期)

懷舊 馬仔 街坊至愛

這類老人家的小插曲,幾乎在啓泰 馬仔 檔天天上演。黃文金是洗衣舖老闆,亦是老餅檔主人。家父黃啓泰,三十年前已在原址開士多賣餅食,和記隆、大地牌、順香園都是他的取貨點。後來零食賺錢不多,舖頭改造成洗衣舖、又租了鄰舖做地產,只是黃文金始終不捨那些年味道,於是舖前行起層架,兼賣餅食,一賣數十年。


洗衣店前的老餅陣

觀塘由年輕社區變成老區了,從前的客人,小朋友變成大朋友,壯年人變成老人家。


幫襯都是老街坊

「風水輪流轉呀,嗰陣經濟好地產好搵,而家?我地產舖都執埋,淨返餅檔同洗衣舖!」店主黃文金說。你或會問:仲有人食老餅咩?先戴個頭盔,筆者就是其一。我不是觀塘街坊,也不經常路過瑞和街,但為了一件空氣感手做馬仔,每幾個月,就會來一次。店主黃金文手上這板馬仔並不當眼,疊起來放在攤檔一角,但街坊就是識貨,當中更不乏步履蹣跚的老人家。

店主黃文金

手工 馬仔 快將告別?

人手造馬仔,工序繁複,炸粉、煮糖、撈糖、堆壓,都是功夫竇, 不少大廠已由機器量產,黃文金因為已跟順香園合作了三十多年,跟老闆相熟,幾乎一半的馬仔都給他取去了。

順香園馬仔 $25/4件

原板馬仔送來,老闆會灑下自家炒製的芝麻, 故吃上來有種淡淡芝麻香,只此一家。「賣埋呢批咋,馬仔師傅退休喇,希望搵到人接手啦,不過仲係咪呢種味道就唔知。」黄文金輕描淡寫,我口中咬著馬仔,時間停頓了三秒。現世講求速度,慢工細貨的行業,又有誰珍惜?

買少見少 懷舊老餅

除了 馬仔 之外,店裡還有一罐二罐的懷舊老餅乾,水泡餅、南乳餅、威化餅,都是來自老牌子,在連鎖超級市場,你不會找到這種味道,當然,還有是這種價錢。

懷舊老餅一應俱存

價錢牌上都寫上「不設問價」, 問老闆為何?原來婆婆公公記性差,經常問過了後又忘記。

花占餅$20/半磅

經典懷舊花占餅,七八十後必定吃過,七彩的蛋白脆脆配上原味餅乾,鬆脆香甜。


客家炒米餅 $30/包

向元朗圍村取貨,入口脆而不散,中間夾著點點花生麩做餡,增加甘香味道。


鳳梨果醬餅$20/半磅

夾心餅內是菠蘿味的果醬,吃落有淡淡菠蘿的甜味, 未至於天然,但又不太假,總之就是童年吃開嗰陣味。

檔前放的迷你花牌,也是一陣老香港味道。原來是老闆女兒手做,把十多年前曾被傳媒採訪的「巴閉史」通通寫上。

啓泰馬仔

地址:觀塘瑞和街130號地舖(顯示地圖)

電話:2342 9391

營業時間:星期一至日8am-8pm

備註:馬仔經常缺貨,欲購請致電查詢