經一fb民調:65%反對58億擴建迪士尼

社會熱話

廣告

唔知大家去過幾多次迪士尼樂園呢?呢個一年都未必去一次嘅地方,政府決定拎58億元擴建…如果政府好多錢,拎少少出來都無話可非,不過回帶少少睇下今年2月財政預算案,小編發現講到要緊縮開支,決定每年削減2.5億元醫療!

寧願振興旅遊業,而削醫療開支,究竟大家支持唔支持呢?小編日前在facebook整咗幅圖,並搞咗個投票,問大家對撥款擴建嘅睇法,結果引來網民迴響!經過4小時投票結束,有387名網民表態,當中支持佔35%,而反對有65%!

睇返網民留言,發現大家對削醫療開支去擴建,又並非一面倒反對,當中有網民提出數據指,政府醫療開支其實一直增加:

「其實政府投放在醫療方面的開支高達2000多億,而且幾乎年年增加! 削減非常皮毛的2.5億非緊急性開支根本沒有影響醫療質素!不能只看政府削減左而不看他增加的,醫委會長年保護主義排斥外國合資格醫生來港執業令香港醫生奇缺而薪金暴漲,政府醫療預算其實已經非常非常高,可是醫生價更高而已!」

「『…二零一六/一七年度醫療衞生的經常開支為五百七十億元,佔政府經常開支百分之十六點五…』要比唔該用 570億同58億比」

「迪士尼擴建就計 同一份預算提出2000億起新醫院就唔算數?」

不過,更多網民留言指,香港迪士尼蝕錢,加上上海已有另一個迪士尼樂園,質疑是否仍要如此投資:

「先唔講迪士尼年年蝕錢,近近地上海已經有一個,你憑咩覺得擴建完香港迪士尼會成為遊客黎香港既誘因,兼可以賺番呢58億,兼可以收支平衡? 要擴建點解唔自己俾錢,要納稅人埋單? 依家究竟邊個香港人恨去迪士尼 lol」

「點解唔比多d資源 本土 海洋公園,有機動設施,有覽車 有主題設施 有大熊貓等動物遊覽,反而開jor 全世界最細間的小迪迪,又要貴到死,簡直好似為上海迪迪鋪路」

「開支同投資既分別等於賭仔有錢賭冇錢開飯」

話說回來,網民意見並非只有正、反兩極,亦有少數指兩邊立場都支持,認為需要醫療開支,同時擴建樂園吸遊客,兩者同樣重要。

其實相對高鐵、港珠澳大橋、機場三跑…通通開支都比擴建樂園為大,現時這些工程全都正在建設中,如果講到是否「值得」興建,恐怕爭論只會繼續沒完沒了!