書展開鑼   特色攤位先睹為快

書展開鑼 特色攤位先睹為快


書展今日開幕啦,書迷自然唔會錯過,唔鍾意睇書?都唔緊要!仲有其他得意兼好玩野,等小編帶大家先睹為快!

1. 成日話電子書方便携帶,帶呢本出街仲方便!但分分鐘行行下跌左都唔知…全世界最細本既英文書你睇過未?成本書個體積都係大約1cm乘2cm再乘1cm咋,真係睇唔到都唔緊要既,佢總共出左4個sizes,逐步逐步慢慢嚟啦。唔止本書細阿,連個攤位都好細,佢係1C展覽龐既C28攤位阿!

2. 覺得財經太高深,成日將你拒之門外?有出版商了解呢批讀者的無奈,所以整個投資者專區,有圖文並茂、專介紹基本智識的初入門投資指南,亦有深入分析既俾資深投資者繼續鑽研,照顧哂所有人需要!

3. 想體驗日本傳統夏祭但又無錢去日本?嚟書展國際文化村,可以有六套靚靚浴衣俾各位靚仔靚女免費試穿,連埋木屐全套架,仲有童裝俾小朋友添!每人大概有15分鐘,展館設有試身室,換完就可以隨便影相啦!相信呢個攤位最大機會大排長龍。

此外,攤位仲設有日本傳統遊戲「劍球」同「達摩不倒翁」,成功接到一次木球或撃倒一次「達摩」就已經有獎品,咩話?好易?!嚟試下先再講。

今年大會繼續推出各種入場優惠,除中午12時前進場10元外,仲有免費進場特別優惠,凡以正價(成人$25、小童$10)購買今日及明日(7月15或16日)香港書展門票,憑完整票尾可於7月17、18或19日晚7時後免費再進場一次。

另外,書展仲有幸運抽獎,只要在五個地區蓋滿紀念印,就有機會贏得Ipad Air 2!但名額只有10個,仲唔快啲去!

相關文章