5大居家工作無奈之處|WFH不是放假!唔等於有時間買餸煮飯做家務|張慧敏Son姐

5大居家工作無奈之處|WFH不是放假!唔等於有時間買餸煮飯做家務|張慧敏Son姐

當很多僱主、老闆、管理層認為WFH (Work From Home) 是着數員工、蝕底公司的安排時,其實不少員工有苦自己知。有得揀,寧願返Office都不情願居家工作。

撰文:張慧敏(Son姐)|圖片:unsplash

進入正題之前,大家不要嫌我煩,必須重申表明立場:Hea做事的員工不管在甚麼地方、甚麼時候都是Hea做的;認真做事的員工不管在甚麼地方、甚麼時候都是認真做的!

所以寧願返工都不願在家工作的,絕對不是Hea做的員工。因為我所講的問題困難煩惱,不會在他們身上出現。

歸根究底,問題出現在「家」中!

工作進行中 請將音量收細

香港地寸金尺土,有幾多個人能享有私人睡房書房?經濟不景,不管是因為失業,還是被放無薪假期;再加上限聚令,基本上甚麼地方都不能去。直白一點講,亦負擔不起四周圍去消費。

所以只能留在家中,如果家人諒解識做,知道WFH只是把辦公室搬到家中,會一樣要照開、工作一樣要照做、功課一樣要照交,最低限度睇電視也好、玩電子遊戲也好、聽音樂也好、講電話也好,都理應會自動自覺把音量收細調低。

但現實上、事實上,平日根本很少時間一齊在家中出現,各行各素各有各的生活習慣,以「不嬲都係咁㗎啦」,話知你WFH抑或放假,結果變作困獸鬥。

我同事與上司、客戶講電話或者開會的時候,背後不斷出現的配音聲浪,可以有幾煩躁滋擾,令情況有幾尷尬,毋須多講了吧?

5大居家工作難頂之處|WFH不是放假!唔等於有時間買餸煮飯做家務|張慧敏Son姐
其實WFH只是把辦公室搬到家中,會議一樣照開、工作一樣照做、功課一樣照交。

留在家中不等於「好得閒」

還有父母認為子女既然在家就是賦閑,但其實最低限度朝九晚五、公司有出糧,時間是屬於工作的,而不是幫忙煮飯買餸做家務的。

3秒鐘接不切電話,被揭發落街買餸沒有留在家中,被公司發現以後,就可以安心留在家中不用再上班了。但父母就是講極都唔明,反招來責罵「搵咁多藉口唔幫手」!

正所謂過猶不及,父母的愛護和關心一樣會出事。

明明講緊電話開緊會,甚至正在視像會議中,父母一樣不斷在身邊背後,以確保所有人都能夠聽得見的聲量,不斷催促「食飯啦!飯餸凍哂啦!食完再做啦!」還要加多幾句「使唔使咁忙呀?食餐飯都冇時間啊?乜嘢工嚟㗎?」問你死未?

5大居家工作難頂之處|WFH不是放假!唔等於有時間買餸煮飯做家務|張慧敏Son姐
家有小孩的父母要WFH,同樣分身不暇。

WFH就如困獸鬥

WFH的父母,情況亦好不了幾多。父母子女平日各有各忙,忙到有時連食飯都未必有機會一齊坐低食,其實不是很習慣和懂得大家如何相處。

因為子女全部不用上學,同樣留在家中,年紀大的還好一點,可以自己照顧、還有道理可講。襁褓中的話喊就喊,幾時喊、喊幾耐誰都說不了準。

幼稚園小學雞有兄弟姊妹的,大打出手的油玩到癲嘈喧巴閉的更有,根本如何呼喝都喝止制止不住。即使得一個,不斷問父母這樣那樣行不行、可不可以,一樣很煩。

還有一點絕對會影響WFH的效率及表現的,就是家中Wi-Fi的速度,和公司的差太遠,既不夠快亦不夠穩定。

有僱主不體諒認為是員工孤寒不願意安裝無限極速上線上網。實際上是居住地區網路設施配套的限制根本無法安裝。

總之豬八戒照鏡,兩面不是人,鬼叫你窮咩,頂硬上啦!

延伸閱讀:已年過半百 職場上如何和年輕同事建立關係?|張慧敏Son姐

延伸閱讀:7大職場上最「要不得」行為!講是非都唔係最討厭?密密做冇Say No原來都係禁忌!|張慧敏Son姐