離開機場先發現行李損毀？ 網友教路有得賠
廣告
去旅行少不免等待行李嘅過程，如果拎到之後發現件 行李損毀 ，心情一定會大打節扣，仲要花時間去處理！今次就有位不幸事主，翻到酒店先見到自己個篋爛左！到底離開咗機場先發現呢個情況點算好？聯絡航空公司仲有冇用呢？
撰文：GOTRIP編輯部
事緣女事主 Maggie Tong 9月14 號搭國泰航空飛去台北，夜晚喺酒店發現自己個篋受重傷，篋面有一條明顯裂痕，即時上網求救！
相片由網友 Maggie Fong 授權提供
離開機場，航空公司有權不負責
有網民就話離開咗機場先發現嘅損失，航空公司就有權唔負責，唔通真喺冇得救？
另一個網民都話只要唔隔太耐聯絡航空公司，同埋保留所有行李上嘅條碼（包括貼在行李上嘅貼紙），一樣可以接受航空公司幫助！
仲有網友教用「旁門左道」搵返航空公司賠，聽落係幾有計，不過自己衡量風險啦！
KEEP 齊證明 CLAIM 保險最實際
有網民試過發生類似情況，離開機場範圍先發現個手挽爆咗，佢就建議事主打電話去Claim旅遊保險，要提供來回程登機證同保留所有行李條碼，就可以得到賠償。
結果係點？
而最後女事主寄電郵去航空公司，航空公司提供咗個檔案號碼俾佢，等佢翻到香港之後喺香港機場辦理手續。航空公司仲上門拎個喼去維修，最後整唔到但仍然獲得賠償！
雖然事件中嘅網友得到賠償一個新篋，但都係勸各位收到行李後，最好都檢查下自己件行李有冇咩損傷，及時發現向機場求助，就唔洗擔驚受怕！
延伸閱讀：
【外幣散紙換回港元 兌換機年底登陸香港機場】
http://www.edigest.hk/Vip/detail?id=5017
【突發事件支援不足 搭廉航三大風險】
http://www.edigest.hk/Vip/detail?id=3771
【十家航空公司 免費寄艙行李重量比併】
http://www.edigest.hk/Vip/detail?id=3489
