{

對抗煤氣加價小貼士

生活消閒

廣告

香港中華煤氣(00003)早前宣布計劃8月1日起加價,標準收費加幅4.4%,扣除燃料調整費下調,實際加幅3.5%,預料八成住戶每月煤氣費加幅少於10元。

正所謂小數怕長計,小編呢啲精打細算嘅市民,梗係會左計右計慳到盡!以下就係對抗煤氣費加價嘅小小小貼士:

1. 沖涼慳氣

炎炎夏日沖涼,可以沖身後先閂水,將番梘搓抹全身後,再開水沖身,唔好畀水長流,咁又可以慳煤氣又慳水~不過小編認為,情況許可下唔開熱水爐,沖凍水涼就更慳!

2. 用電代氣

香港電費相對煤氣費平,用嚟煲水、煲湯,或者用蒸爐、焗爐煮餸,唔單止慳煤氣,加上唔駛用明火,煮食更加安全!如果煲湯用埋真空煲,更加慳埋時間,雖然個煲幾貴,但用多幾次即刻抵返晒!

3. 減氣煮食

如果真係要用煤氣煮食,記得開火前先將煲底、鑊底抹乾,因為冇咗水份,加熱會快啲!另外,開火大細要同個煲底、鑊底直徑一樣咁大,受熱會均勻啲,用氣量都少啲啦!

4. 準時報錶

早前網絡有傳7月要報煤氣錶,如果唔係會將全部讀數撥入8月加價系列,雖然煤氣公司已澄清讀數會按月平均計算,不過報錶的確重要~因為燃料調整費會定期調整,如果咁啱調整費增加時報錶,帳單嘅收費就會增加!

5. 買股對沖

要抗衡煤氣加價仲有辦法,就係買入煤氣股票啦~股份舊年全年派股息0.35元,買一手1,000股,派息350元,每月就可以有多29元,啱啱好抵消加幅!

唔知各位讀者仲有冇方法慳到煤氣?如果有,留個言畀我地分享下啦~

如我有特別需要申請政府津貼,有什麼津貼可以申請?

如是長者/傷殘人士,可以留意長者生活津貼長者咭樂悠咭傷殘津貼申請綜援等等,在住屋方面,可以考慮申請公屋

如果我想外旅/返回內地,有什麼需要留意?

首先,要留意特區護照/回鄉證是否需要續期,以及留意不同貨幣的匯率走勢,包括人民幣兌港幣日元兌港元英鎊兌港元等等。