【真●帶著矛盾去旅行】星展iGO Rewards VS 亞洲萬里通 邊個抵用?

生活消閒

廣告

多個方法換取飛行里數有咩好? 咪同多個電視台咁好囉! 畀多個飛行獎賞我哋,一齊分享去旅行既樂趣!!!

於2月底推出的DBS iGO rewards,以及早兩日推出的HK Express reward-U,尤如打破大台的壟斷,為小市民殺出多一條換機票血路。究竟同依家最多人儲的亞洲萬里通Asia Miles相比,呢兩個計劃抵唔抵?

呢兩個計劃都打破左傳統「儲里數」的定律,係用消費計算。HK Express的獎賞計劃,只要購買其機票或增值服務,便可儲分,消費1元得10分,儲滿40,000分便可開始兌換,不但可以自己換機票及其他增值服務,仲可以將分轉贈畀親友,唔洗眼白白睇住啲分過期,彈性好多。

不過,呢個計劃只係適用於HK Express機票,反而iGO Rewards可以兌換不同航空公司的機票,性質與Asia Miles較為相似,所以以下集中比較呢兩個計劃。

iGO可換廉航機票

iGO Rewards是星展銀行(DBS)推出的全新信用卡積分旅遊獎賞平台,專為DBS萬事達卡主要持卡人而設,持卡人隨時可以用DBS$直接兌換機票、酒店住宿或設計個人化的旅行套票。

DBS$計法:
用DBS信用卡每簽帳HK$250=1 DBS$。而用DBS Black Card於本地簽帳,全年可享2倍DBS$,即簽帳HK$250=2 DBS$,同時更可以55折優惠換取獎賞。如機票原價是DBS$1,000,DBS Black World MasterCard 持卡人只需以DBS$550 即可換領。

重點係,唔洗計飛行里數、唔洗積分轉換、唔洗去不同網站換購,只需要登入iGO Rewards獎賞平台,就可以一站式完成整個購票程序,既方便又快捷。

除可直接換取全球62間航空公司的機票外,更可換取廉航機票,以及預訂全球超過10萬間酒店的房間。

而Asia Miles目前與500多家合作夥伴,當中26家航空公司,54家酒店集團,都是較高檔的企業。

可能你會話,換機票僅係換間好啲航空公司,做乜換廉航。其實星展呢個計劃,換取不同航空公司機票,所需DBS$不同,廉航機票兌換價較低,大家唔洗死儲難儲就可以飛。所以呢一ROUND,iGO勝。

iGO票價已包稅項及附加費

呢樣野真係好緊要,小編試過一次用Asia Miles兌換去台灣機票,換完機票之後,仲要補600幾蚊稅及附加費,同行朋友買特價機票自己飛,連稅只係1,000元左右,其實真係唔係平好多。依家廉航仲要咁平,Asia Miles的附加費隨時是一張廉航機票價錢,所以呢一ROUND,又係iGO勝。

iGO積分轉回Asia Miles用唔抵

如果你對Asia Miles有感情,都可以將DBS$兌換Asia Miles飛行里數,就DBS Black Card以言,每DBS$48可兌換為1,000里數;而其他DBS信用卡每DBS$60可兌換為1,000里數。

兌返里數話,究竟邊個抵啲呢?小編來了一個DBS iGO Rewards 和 Asia mile 亞洲萬里通短、中、長途線大比拼,以5日4夜行程作比較(單人及經濟客位 6月20日(星期一) – 6月24日(星期五)),右邊是所需DBS$,並按上列兌換方法換成Asia Miles里數作比較。

從上述可見,如果去乘搭國泰航空前往台北,以及乘搭美國航空前往紐約,Asia Miles會較抵,但若乘其他航空公司,則是iGO較抵。如果閣下無乜所謂,咁揀iGO就著數啲,但如果堅持要乘搭指定航空公司,咁就要格下價,睇下邊個抵啦。

iGO積分永久通行

Asia Miles里數三年到期,過期後報廢,又要再儲,但DBS$沒有到期限制,可以慢慢儲,確係有睇頭,呢鋪唔贏唔得啦。

可加錢換機票

DBS$好似信用卡積分咁,可以用小部分積分再加錢換領,iGO亦有呢個機制,彈性又係大過Asia Miles。

講左咁多優點,iGO真係咁好?佢都有缺點既,咪就係以下呢啲。

iGO缺點

1. 每次預訂時使用最少DBS$100及支付預訂行政費$50元,而每次更改或取消預訂,則須繳付$250行政費;而其他DBS萬事達卡持卡人須以DBS$750起兌換。

2. Asia Miles可以用不同銀行的不同信用卡一齊儲里數。但iGO Rewards只適用於DBS MasterCard。

3.iGO Rewards網站顯示的換領所需積分會按市價不時變動,海鮮價最易令人失預算。

比較完之後,大家會揀邊個計劃儲里數呢?

如我有特別需要申請政府津貼,有什麼津貼可以申請?

如是長者/傷殘人士,可以留意長者生活津貼長者咭樂悠咭傷殘津貼申請綜援等等,在住屋方面,可以考慮申請公屋

如果我想外旅/返回內地,有什麼需要留意?

首先,要留意特區護照/回鄉證是否需要續期,以及留意不同貨幣的匯率走勢,包括人民幣兌港幣日元兌港元英鎊兌港元等等。