400萬港元以下  去外地置業可以買到乜?

400萬港元以下 去外地置業可以買到乜?

香港人成日都話要儲錢買樓,但香港樓價就踞高不下,買樓由夢想變妄想…..以前就個個都想做百萬富翁,而家100萬元想買塊磚頭遮頭都做唔到!

不過,近日外幣急跌,係外地置業成本大降,小編用400萬港元兌換其他各國同等幣值的貨幣,發現原來去外地置業,400萬元都唔洗就可以買到超過800呎單位。喺日本,用240萬元就可以買到一幢日式獨立屋,擁有度假屋般的享受。喺台灣,用353萬元已經可以買到一個豪宅單位,包埋車位。

但係喺香港,300萬元只可以得到一張上樓入場劵,想買返間大少少嘅單位都唔得。想要車位?畀多幾十萬黎啦。

黃大仙新盤鑽嶺售價322萬元,好似諗得過?成個單位得198呎,俾成300幾萬元,連200呎都買唔到啊,認真係名副其實嘅蝸居!間屋仲要係間隔奇特,住戶最難擺放家具的「半隻蟹」開放式單位!不過有樣野好,可以同電視機近距離接觸,唔怕近視睇唔到電視!

喺日本東京,想買200呎單位?50萬港元已經有交易!300萬港元可以買到六個同類型單位收租啦!就算係內地,喺惠州買個豪宅單位,幾千呎,都係324萬,香港嘅200呎可能只係人地嘅洗手間面積!




*以8月24日匯率價格計算
註:上述售價由發展商及當地地產代理提供

咪以為外國樓價平,一定係處於偏遠地區,人影都唔多隻的鄉郊地段,其實好多都位於核心地帶,亦有交通配套,絕對唔係死城,以下就係簡單介紹:

泰國曼谷MRT Phetchaburi位於曼谷心臟地帶Makkasan 瑪卡薩路,交通便捷,鄰近MRT Phetchaburi等鐵路站,及各大購物中心,屬於豪華公寓,設有會所及健身中心等。

馬來西亞檳城位於檳城島最北的地區,係馬來西亞第二大城市,相當於香港的港島區。新盤「18 East at Andaman」為一手樓盤,實用面積由877方呎至2,824方呎,售價為130萬令吉(馬幣)至450萬令吉,平均實用呎價約1,500令吉。

台北市中山區172雙橡園高樓豪邸,為中山區少數破千坪基地名豪宅。鄰近華航、六福皇宮商圈,交通便利。每一戶都有三面採光設計,座落靜巷內,住市區都可以擁有高級嘅住宅品質。

日本札幌豊平區獨立屋,兩層設計,環境清幽,步行3分鐘即可達鐵路站。

澳洲布里斯班Newstead新盤LUCENT,LUCENT 則座落Gasworks Newstead 的核心位置,距離布里斯班市中心只有1.8公里,亦近布里斯班河岸邊,加上位置坐擁火車、巴士、City Cat 渡輪、City Glider巴士等多種交通工具,交通便利。加上澳洲政府推行城市改造計畫,將 Newstead 區的配套加強,變成重要的餐飲、娛樂及購物熱點。除了高級飲食、購物及娛樂外,亦不乏名校,如昆士蘭大學及昆士蘭科技大學等。