居屋都有奇則 屏欣苑廁所置中篤口篤鼻

樓市

廣告

買居屋除咗平過買私樓外,人人都話夠四正,間格實用,但新居屋天水圍屏欣苑的「奇則」絕對可以打破傳統。究竟個則有幾奇?就是廁所竟然擺係單位的中間,篤眼篤鼻,嚴重阻礙改造空間。

事緣有一位疑似準買家的網友,近日在網上論壇發文求救,認為屏欣苑一睡房單位的設計相當奇怪,想將單位改造成兩房都難到喊。樓主想過將廚房及廁所擺位對調,但廚房有一條煤氣喉由橫跨廁所,如果要改喉位,絕對是一件超級麻煩事。
居屋都有奇則  屏欣苑廁所置中篤口篤鼻

小編都觀察過上述圖則,確實是一個裝修難題,要諗諗點設計先符合到「有廚、有廁、有兩房」的要求。有「騎呢」的圖則,當然要花心思設計,網友都好好心提出唔少建議畀樓主,不過用唔用到就見仁見智啦!

1. 照兩房、廁所廚房保留
依個建議都好正路,但網友似乎諗漏咗兩個房開門的空置,如果只有近客廳的門,入第二間房豈不是要穿過第一間房先可以入到?
居屋都有奇則  屏欣苑廁所置中篤口篤鼻

2. 有各自房門,縮房位
為就房門,將右上角的房間位置縮小,但小心連床都放唔落!即使放得落張床,想擺多個櫃都難。
居屋都有奇則  屏欣苑廁所置中篤口篤鼻

3. 拆廁所一角、兩房改斜門
廁所空間已經細,拆一角就更更更細;如果想房門斜開,都要留意床的長度係咪足夠。
居屋都有奇則  屏欣苑廁所置中篤口篤鼻

不過都有網友提出可行的建議,例如改為兩間眼鏡房、廚房改為開放式,或者唔造眼鏡房、造趟門同埋將房做地台等都算係合理。
居屋都有奇則  屏欣苑廁所置中篤口篤鼻

其實都有網友好心水清,已經留意到最新居屋單位設計格局,同舊時和諧式公屋似到十足十,即是住公屋定居屋根本冇分別。事實上,屏欣苑一共提供2,409個單位,其中B座每層仲要劏最多34伙,既有開放式,又有一房同兩房單位,設計佈局固然唔會四四正正,所以出現騎呢則。
居屋都有奇則  屏欣苑廁所置中篤口篤鼻

樓主當然可以參考網友建議,但如果真係要大改,小編深信這筆裝修費可能都好「金」。

資料來源:香港高登
撰文:CM LO

太古城上月最新放盤叫價是多少?

太古城上月最新放盤叫價大約…各區樓市買賣詳情請看

九龍區有哪些大型屋苑放盤呎價最低?

九龍區不少受歡迎的大型屋苑呎價對比上月都有回落…各區樓市買賣詳情請看