月入2萬幾 可買到呢3類上車盤

樓市

廣告

樓價繼續日日升,上車好似離大家愈來愈遠,不過小編早前計過數,只要大家月入22,337元,已經可以買250萬元以下物業,月入26,805元更可以有能力買到300萬元物業!(詳情請睇:http://www.edigest.hk/Vip/detail?id=1961)不過,香港仍然存在呢類樓盤嗎?其實大家識得搵,一定搵到~等小編今次搵搵以下3類筍盤,睇下大家LIKE唔LIKE?

撰文:Nic Chan
相:資料圖片

講返前設,今次搵樓並不包括資助房屋、村屋、凶宅、離島樓!

1. 一手新盤樓花

近年愈來愈多一手新盤提供蚊型開則單位,最新有宏安地產(01243)牽頭發展的馬鞍山薈晴,最低入場費為一個223呎開放式單位,扣除優惠只是298.8萬元,剛好踏正300萬元以下!

不過,呢類盤大多屬於樓花,而且樓花期一般較長,以上述薈晴為例,預計入伙日期要去到2018年第4季,未必適合急於上車人士啦!


2. 樓齡5年以下半新樓

想即刻上車唔要等,但又想樓齡細,又要樓價300萬元以下?那麼多要求,不過小編仍然可以「一次過滿足3個願望」~根據代理提供的資料,樓齡5年以下筍盤,現時仍然可以揀大埔嵐山、粉嶺逸峯、元朗溱柏等,它們最平入場價錢,通通低過300萬元!

當中嵐山放盤價更是3盤中最低,一個3座中層H室、面積179呎單位,現時叫價僅210萬元,月供唔使6,000元!想住大一點,溱柏9座高層G室單位,272呎叫價亦只是300萬元,剛好通過搵樓門檻!

不過值得留意,這類樓盤通常位於新界區,而且遠離市中心,要滿足3個願望,自然要付出代價啦!


3. 市區近港鐵舊樓

最後,唔想住得遠,又想樓價300萬元以下,市區有沒有選擇?小編答大家:有,不過屬於舊樓囉!

九龍區小編搵來2個近港鐵站的放盤,其中富貴大廈鄰近奧運站,樓齡55年,現時叫價只需要280萬元,面積290呎,呎價唔使10,000元!位於渡船街的順景大廈,則鄰近旺角站,樓齡低少少38年,叫價285萬元,面積222呎,呎價12,837元!

港島區代表有筲箕灣太安樓,樓齡已經有48年,不過樓下已經是港鐵站入口,一個274呎單位最平賣268萬元,呎價唔使9,800元!

雖然呢類大部分屬舊樓,不過勝在近港鐵站,交通絕對方便,滿足講求快嘅香港人!

延伸閱讀:
【由戲劇《中間人》 細說地產代理N大潛規則】
http://www.edigest.hk/Vip/detail?id=5262
【置業開支一籮籮 除咗首期 仲有D乜?】
http://www.edigest.hk/Vip/detail?id=5127
【供樓遇上加息 每月畀多45%】
http://www.edigest.hk/Vip/detail?id=4664
【按揭知多啲 上車最低入息要求】
http://www.edigest.hk/Vip/detail?id=1961

太古城上月最新放盤叫價是多少?

太古城上月最新放盤叫價大約…各區樓市買賣詳情請看

九龍區有哪些大型屋苑放盤呎價最低?

九龍區不少受歡迎的大型屋苑呎價對比上月都有回落…各區樓市買賣詳情請看