想儲首期上車  每月要儲幾多?

想儲首期上車 每月要儲幾多?

樓價日日升,好多人都大嘆上車難。早前本刊一篇《上車最低入息要求》(http://www.edigest.hk/Vip/detail?id=1961)得到不少迴響,因為買得起350萬元的樓,月入要求最少要$31,272。

不過,亦有很多人話,供樓唔係最難,儲首期先難,唔靠父幹就冇機會上車。咁究竟儲首期又係咪真係咁難呢?今次小編就計一計。

撰文:Jackie

首期並唔係單單樓價的一成、兩成、三成或四成費用,仲有其他買樓費用開支,例如印花稅、律師費、裝修、傢俬等費用。咁想上車、儲到呢筆首期,每月要儲幾多錢?

以目前樓市情況,2字頭的上車盤已近乎絕跡,有的話都是一些質素十分不堪的單位。要過到自己一關,350萬這個數目,仍然可在市區的單幢樓、或新界一些屋苑找得到200至300呎的上車盤。

假設你是首次置業的話,一層350萬的樓,可以九成按揭,首期加雜費及裝修費,總數就需要接近$62萬。計算如下:

若以62萬為目標,要幾多年先儲夠首期可以上車?

想1年內上車,原來每個月要儲51,667元,以儲七成人工作推算,你月薪起碼有7萬3千元先好諗。若果你可以通過壓力測試,月入約3萬1千元左右,每月儲起六成人工的話,想3年內上車,都算能力範圍內。

但如果你每月只能儲起1萬元,那麼便起碼要儲超過5年才可上車。如果你每月只能儲5,000元,便要10年多。

根據統計處2015年專上教育程度月入中位數數據,剛剛大專畢業20-24歲入息中位數只有1.1萬元,就算每月儲起7千幾元,都要儲足7年,換言之可起碼要等到27至31歲先可以上車。

仲要求神拜佛,係儲緊首期呢段期間,樓價唔好繼續升,同埋唔好有通脹令裝修費上升,否則儲夠62萬之後,都唔知仲有無350萬以下的樓畀無父幹的你去買了。

所以話,想盡快上車,除咗靠父幹,似乎得返考政府工呢個選擇:政務主任AO入職$49,445、督察入職$40,880、懲教主任/消防隊長/海關督察入職$38,630、入境事務主任入職$34,480。考唔到又或者無意考政府工,咁要置業上車呢個夢想,就唔知何年何日可以實現了。

伸延閱讀:
【上車最低入息要求】
http://www.edigest.hk/Vip/detail?id=1961
【如何按足九成?】
http://www.edigest.hk/Vip/detail?id=2089
【首期外的置業開支】