30歲月入僅15,000元 曾月供盈富但回報低 問龔成:點解買盈富基金係好?|龔成

30歲月入僅15,000元 曾月供盈富但回報低 問龔成:點解買盈富基金係好?|龔成

讀者:你好,我係股市新手,一直唔知如何投資,直至看到你的文章,覺得獲益良多,所以都忍唔住很想請教你的意見。

我30歲月入一萬五,每用比五千家用,保險二千,每月日常開支三千,得五千可以儲或投資儲蓄得三萬。

我之前試過一年月供盈富基金(02800)同領展(00823),但覺得每個月蝕咗手續費,派息又派得唔多,又補唔番啲手續費,好似只係有出冇入,所以就賣晒。

覺得不如唔睇股票,努力儲錢就算,但係我覺得只係儲錢係銀行,財富係唔會增值,同埋我唔想為咗錢而日日都咁煩惱,成日影響自己心情。

我想請教你:

  1.  點樣先可以做到財務自由?點解買盈富基金係好?
  2. 點解啲人買幾隻股幾年之後,就可以每個月多幾萬蚊,係咪因為靠收息就可以?
  3. 我睇完晒你啲文章之後,我覺得有啲股票係要長期持有先有回報嘅,所以我而家買咗兩手領展,但係我想問仲應該買啲乜嘢組合?
  4. 領展應該算係平穩增長嘅收息股?
  5. 月供比亞迪(01211)係咪好?我打算月供一千
    我真係理解能力比較差,睇左你好多文章都仲咁多問題,希望你可以花少少時間幫下我,thanks!

撰文:龔成|圖片:unsplash

龔成老師分析

我見你很多財務上的疑問,其實你應該先增加知識,睇:《80後百萬富翁》《股票勝經》《財務自由行》,你會有好大的得著,投資前,一定要提高知識!

我過往,都經歷過好努力的時期,我最初做野,$8000人工,我第一個目標就要自己5年累積$100萬,因為我知道窮者愈窮,富者愈富,所以,我幾辛苦都好,都要自己盡快有第一個$100萬。

幸好我最後4年半成功做到,但這幾年我平均一星期工作6天半,不過換來的,是之後的財富能自動增長。

年輕人應投資增值股

當我們進行人生財富累積,會運用「先增值,後現金流」作方法,年輕人應投資較多增值類資產,而較年長的,則應投資較多保守類項目,因為年輕人的財富系統未成形,同時負擔較少,可承受的風險度較高,所以會著重增值為先。

例如初期投資較有潛力的股票,令財富較快增值,當增值到一定金額後,可開始將財富分配至平穩增值型股票,然後到年紀漸長或已累積了相當財富後,才漸漸轉成收息型股票。

30歲-月入僅15000元-曾月供盈富-嫌回報低-問龔成
當我們進行人生財富累積,會運用「先增值,後現金流」作方法,年輕人應投資較多增值類資產

先做「對」這三件事

所以,你現時應該做3件事。

第一,增加知識。

第二,提高收入,唔好比自己永遠$15000人工。

第三,投資,利用月供,或自己分注投資都得,總之唔好只儲現金。

30歲-月入僅15000元-曾月供盈富-嫌回報低-問龔成
第三,投資,利用月供,或自己分注投資都得,總之唔好只儲現金。

延伸閱讀:滙豐長線質素依然存在 預料日後會再派息|龔成

延伸閱讀:69歲退休賣樓套現金 望建立全新財富組合 要怎做?|龔成

免責聲明:本專頁刊載的所有投資分析技巧,只可作參考用途。市場瞬息萬變,讀者在作出投資決定前理應審慎,並主動掌握市場最新狀況。若不幸招致任何損失,概與本刊及相關作者無關。而本集團旗下網站或社交平台的網誌內容及觀點,僅屬筆者個人意見,與新傳媒立場無關。本集團旗下網站對因上述人士張貼之資訊內容所帶來之損失或損害概不負責。