切勿耳仔軟 自己提出要加薪 7個要求加人工的方法|職場制勝

切勿耳仔軟 自己提出要加薪 7個要求加人工的方法|職場制勝

職場制勝】要老細出錢真係好難架!嗰個伸手去銀包拎錢出嚟嘅三秒動作,對於一眾老細嚟講難過奧運舉重,當佢真係拎咗出嚟嘅時候,哪怕只係一點點,佢都覺得好似贏咗奧運獎牌咁值得歌頌佢自己!不過所謂關關難過關關過吖嘛,香港人最叻就係創造奇蹟,等小編教你7招點解創造要老細加人工呢個奇蹟中嘅奇蹟啦!

撰文:Smart ED編輯部|圖片:unsplash

1. 俾說話你老細聽

有時講開買乜乜嘅時候,可以輕輕帶句啲嘢好貴呀、生活艱難咁,俾啲hints你波士知道你想加人工。

不過呢,呢招只適用於啲唔縮骨嘅波士,而大部份波士其實都好縮骨,九成九即刻側側膊扮聽唔到就算。

老細 加人工 返工 奇蹟 香港人 portfolio 証據 職場制勝
俾啲hints你波士知道你想加人工!圖片:unsplash

2. 直接同波士講你想加人工

其實你都心知肚明你波士係個咩人,第一招響佢身上嘅成效有幾大。所以與其旁敲側擊,不如你直接出擊。

加人工嘅嘢,其實只要你夠薑就可以提出。不過需要注意嘅係,你夠薑都好你都要有啲自知之明,如果你一向返工又唔係準時、做嘢唔係100%有交帶、成績又唔係特別好,咁就閉門磨練一段日子先啦……

老細 加人工 返工 奇蹟 香港人 portfolio 証據 職場制勝
加人工嘅嘢,其實只要你夠薑就可以提出。圖片:unsplash

3. 整個portfolio俾自己

將平時自己做得好、波士讚你嘅嘢儲起佢整理好,到時到候就拎出嚟同老細傾,作為你要求嘅有力理據。

呢招唔單止嗌加人工啱洗,甚至要求升職、或者搵下份工都非常啱用,可以深深impress對方,留下好印象。

 

老細 加人工 返工 奇蹟 香港人 portfolio 証據 職場制勝
將平時自己做得好、波士讚你嘅嘢儲起佢整理好。圖片:unsplash

相關文章:唔會搵命博 誓死唔OT 5個一定不能加班的理由

4. 用數據證明你underpaid

到底出邊公司出緊咩條件俾同你同一個職位嘅打工仔呢?

不妨做多啲功課,上吓各大求職網了解一吓行內嘅趨勢,摘錄低啲數據資料,整理一下再展示畀你波士睇,以數字證明你係underpaid,須要加人工,否則遠走高飛。

老細 加人工 返工 奇蹟 香港人 portfolio 証據 職場制勝
以數字證明你係underpaid,須要加人工,否則遠走高飛。圖片:unsplash

5. 唔好咁易耳仔軟

老細緊係想節省成本,如果唔係你都唔洗自己開口啦。

老細永遠有一萬個理由唔加人工俾你:市道差、生意差、上面唔開心、佢唔開心…… 總之點都係想耍走你,佢差嚟差去嘅時候你要強調自己加人工嘅理據。

怯,你就輸了。

老細 加人工 返工 奇蹟 香港人 portfolio 証據 職場制勝
老細緊係想節省成本,如果唔係你都唔洗自己開口啦。圖片:unsplash

6. 問老細加人工要求係咩

不過,有啲老細就好好耐性,同你耍足個幾鐘太極都唔肯加。

呢個時候你再糾纏落去都無用,不如開宗明義問佢到底要達到咩條件先會加畀你。

不過記得企硬問清問楚,唔好畀老細又蒙混過去,否則下次都只會又有其他原因耍走你。

而如果你老細同你提出一啲無理要求嘅話,你要諗清楚係咪時候轉工喇。

老細 加人工 返工 奇蹟 香港人 portfolio 証據 職場制勝
有啲老細就好好耐性,同你耍足個幾鐘太極都唔肯加。圖片:unsplash

7. 加唔到人工都要老細應承你一啲要求

放假又好、加津貼都好,總之加唔到人工都要拎返啲嘢走!

如果你可以無條件投降嘅話,俾老細覺得你易恰,繼續要你無條件應承佢一啲苛刻嘅要求。

為自己爭取返啲bargaining power,唔好輕易屈服,你要記住你係嚟make a deal,唔係嚟plead佢嘅!

老細 加人工 返工 奇蹟 香港人 portfolio 証據 職場制勝
如果你可以無條件投降嘅話,俾老細覺得你易恰,繼續要你無條件應承佢一啲苛刻嘅要求。圖片:unsplash