【網上熱話】數十白鴿天橋聚腳 網民:好食好住點會唔多

【網上熱話】數十白鴿天橋聚腳 網民:好食好住點會唔多

社會熱話

廣告

禽流感早年曾肆虐本港,不少市民之後都對可傳播病毒白鴿群敬而遠之。有北角街坊昨在英皇道一條行人天橋,見到逾30隻白鴿聚集在樓梯上,在Facebook群組「北角人北角事」帶點無奈地問:「點解可以有咁多白鴿?」

有網民留言表示,一向有人定期在該處餵飼白鴿,「好食好住點會唔多」、「平時有人餵囉,就係咁簡單,唔通無啦開party(派對)咩佢地(哋)」、「住係(喺)到20幾年都係咁」。亦有過來人稱,當有人在固定地點餵飼時,白鴿就會記得該處有免費糧食供應,然後就每次都會飛往該處,她又補充「以前我屋企都試過咁,因為有人餵飼佢地(哋),跟住就日日飛嚟,之後一個動作嚇走左(咗)佢哋」。
這條行人天橋早前因火災而拆去橋面的上蓋,有留言就估計「冇咗個頂企嘛」,形容情況類同長沙灣港鐵站某個出入口。有人就指未見政府有部門會持續處理白鴿和鴿糞問題,「唔爆多次禽流感政府都唔會主動做野(嘢),香港政府既(嘅)常識黎(嚟),之前唔燒獲勁既唔搞消防問題」、「唔係流感也好,成地屎又不時中招,如果政府唔打算對佢地做野(嘢)咁勤清潔都要掛(啩)。不過都係果句,條橋仲有乜存在價值?」

資料來源:AM730