用家難撈到筍盤

用家難撈到筍盤

讀者Christ問:

Anthony你好!看你的網誌已經有一段時間,最近知道你和戰友買到筍盤,非常羨慕。

近日樓市下跌,本人和女朋友去睇樓,走了好幾天,都沒有遇到筍盤,難道我的運氣這樣差嗎?

試過走進一些代理行,問他們有沒有劈價筍盤,他們都懶懶閒的,說句沒有就想打發我走了,不是說現在生意難做嗎?

又試過叫他們有筍盤時記得要通知我,最後連一個電話都沒有!

我已經跟他們說,我即將與女友結婚,需要買樓自住,是很實在的客戶啊!為甚麼總覺得他們不想理我呢?

文:1% Anthony讀者不是運氣差,只是不夠勤力而已。

買筍盤是靠運氣的嗎?的確有少部分人很幸運,第一次買樓就賺翻天,不過,這是極少極少數,絕大部分的投資者,都是非常勤力的。

舉例說去年下半年,筆者買入的其中一個單位,低銀行估價80萬元,低市價逾20%,其實,這個盤已經等了兩、三個月。

當鎖定目標大廈後,筆者不斷搵附近的代理搵盤、睇樓及還價,單是這幢大廈,就睇過超過20個單位。

買賣盤又睇,租盤又睇,為求對不同圖則、景觀瞭如指掌,落票、還價、撕票都試過七、次,可謂有血有汗,讀者只睇得幾次,買不到筍盤其實好正常!

其次,除了勤力,與代理的溝通技巧亦很重要。讀者跟代理說買樓明年結婚自用,代理不理會都好正常。

對於代理來說,最重要是能夠促成交易,賺到佣金。

市場上有很多炒家,很多投資者,他們就跟筆者一樣,對很多物業的條件、前景等都已經瞭非常熟悉,代理報單位、報價錢,他們就能知道筍不筍。

只要價錢吸引,就會即睇即買,就算無樓睇,只要價錢夠平夠筍,都可以即時落訂,對他們來說,物業只是一件貨物,有錢賺就可以了,短短十分鐘就可以決定。

相反,如果買家是用家,那就麻煩了。

每個用家對自己買的自住單位都會要求多多。筆者有位朋友,睇樓半年,睇了好幾個不同地區,很多個單位,最後都買不到。

首先他們「驗屍咁驗」每個單位「左彈右彈」,其中有間睇到七七八八時,又話想等星期六叫阿媽一齊睇,怎料星期五晚就俾人搶了個單位。

而且用家鍾意講價、減佣,如果讀者是代理都唔鍾意啦!

代理最喜歡的是炒家,買買賣賣成交多,佣金自然多。

其次是收租投資者,就算無買賣都有租務。

最後才是用家,所以單位去到用家手上,筍極有限,要令代理相信你是投資者,非常重要。

還有,咩先係筍盤呢?點解要通知你呢?

讀者跟代理說,有筍盤就通知你,這句說話已經令代理不想做你生意啦!這是非常新手的對話!

專業投資者很清楚自己想買甚麼類型物業,例如面積、樓價、樓齡、景觀及回報等,早已經心中有數,甚至有些投資者會先做功課,對附近的樓盤有一定了解,是否筍盤,自己已有答案。

建議讀者下次落場睇樓,嘗試收窄搵樓範圍吧!還有很多議價技巧,恕不能盡錄,有機會再分享。