Cheap?! Cheap得過你窮?!

社會熱話

廣告

文章授權:90後銀行小妹甩轆記

**轉載自[無耻咖啡男]分享**
我分行每天都有一個衣著光鮮,在中環高級寫字樓返工,身型略胖,約1.7身高,介乎40~45歲的男士,每日早上準時9:05就會出現於我分行,自行到咖啡機前㩒掣攞咖啡飲。仲要係年中無休,風雨不改,逢星期一至五,一定會見到佢嗰隻!
佢會即場先飲一杯,慢慢歎,然後再拎一杯外賣。老實講,我行嘅咖啡唔可以講難飲,但一定唔好飲(拍心口)!連同事都寧願駛幾十蚊去士打北(Starbxxk)買咖啡,都唔會飲分行啲免費咖啡。真係唔知我行嘅咖啡有咩吸引到呢條打呔友日日過嚟飲。
試過有次壞機,條打呔友即刻發曬脾氣,拎張我行遠古時代的VIP 卡出嚟,話係我行客戶,點解唔比佢㩒咖啡?!真係壞機都唔比。要知道銀行嘅咖啡唔係比你咁濫用,但我地又唔可以明文規定點先可以享用我行咖啡,唯有日日睇住佢大搖大擺咁為地球製造兩個紙杯垃圾,講真分行啲cheap人都見唔少,cheap到咁厚面皮嘅都第一次。